प्रतिनिधी, कंधार
——————–
ओबीसी संघर्ष योध्दा प्रा.लक्ष्मण हाके यांच्यावर झालेल्या भ्याड जीवघेण्या हल्ल्याच्या निषेधार्थ सकल ओबीसी समाज, लोहा-कंधारच्या वतीने शुक्रवारी, ४ आॅक्टोबर रोजी कंधार उपविभागीय अधिकारी कार्यालयावर भव्य निषेध मोर्चा काढण्यात आला. या भव्य निषेध मोर्चाने कंधारवासियांचे लक्ष वेधून घेतले होते.ओबीसी योध्दा प्रा.लक्ष्मण हाके यांच्यावर ३० सप्टेंबर रोजी पुणे येथे काही समाजकंटकांनी भ्याड जिवघेणा हल्ला केला. तसेच त्यांना बदनाम करण्याचा प्रयत्न केला. या घटनेच्या निषेधार्थ सकल ओबीसी समाज, लोहा-कंधारच्या वतीने माजी जि.प.सदस्य चंद्रसेन पाटील सुरनर यांच्या नेतृत्वाखाली शुक्रवारी ४ आॅक्टोबर रोजी कंधार उपविभागीय अधिकारी कार्यालयावर भव्य निषेध मोर्चा काढण्यात आला.
सदर मोर्चाला सकाळी ११ वाजता माईचे मंदिर, साठेनगर, कंधार येथून सुरुवात झाली. हा मोर्चा प्रियदर्शिनीनगर, बौद्ध व्दारवेस, छ.शिवाजी महाराज चौक, भारतरत्न डॉ.बाबासाहेब आंबेडकर पुतळा परिसर, जिल्हा व अतिरिक्त सत्र न्यायालय, उपकोषागार कार्यालय मार्गे कंधार उपविभागीय अधिकारी कार्यालयावर धडकला. त्यानंतर या भव्य निषेध मोर्चाचे रुपांतर सभेत झाले. यावेळी अनेक मान्यवरांनी मोर्चाला संबोधित केले. तसेच या भ्याड हल्ल्याचा जाहीर निषेध केला. यावेळी उपविभागीय अधिकाऱ्यांचे प्रतिनिधी म्हणून नायब तहसीलदार रेखा चामणर यांनी मागण्यांचे निवेदन स्वीकारले.
या मोर्चामध्ये ग्रामीण शिक्षण प्रसारक मंडळाचे अध्यक्ष डॉ.संजय पवार, कंधार पं.स.चे माजी सभापती श्रीराम डुबकवाड, कंधार पं.स.चे माजी सदस्य उत्तम चव्हाण, राष्ट्रवादी काँग्रेसचे तालुकाध्यक्ष अॅड.अंगद केंद्रे, कुंभार संघटनेचे जिल्हाध्यक्ष श्रीराम तेलंग, माजी सैनिक विकास समितीचे जिल्हाध्यक्ष बालाजी चुकलवाड, वंचित बहुजन आघाडीचे माजी तालुकाध्यक्ष वैजनाथ गिरी, आंबुलग्याचे सरपंच प्रतिनिधी माधव मुसळे, नागारवाडीची माजी सरपंच पमलबाई मुंडे, लोहा कृउबा समितीचे संचालक केरबा केंद्रे, लोहा कृउबा समितीचे संचालक केशव तिडके, लोहा भाजप ओबीसी विभागाचे तालुकाध्यक्ष अर्जुन राठोड,
लोहा पं.स.चे माजी सदस्य परशुराम वडजे, कंधार पं.स.चे माजी सभापती प्रतिनिधी पंडितराव देवकांबळे, कंधार पं.स.चे माजी उपसभापती भिमराव जायभाये, बंजारा क्रांती दलाचे प्रदेश उपाध्यक्ष सुंदरसिग जाधव, लोहा न.प.चे.माजी नगरसेवक रमेश माळी, माळी महासंघाचे जिल्हाध्यक्ष नारायण आंबुरे, लिंगायत समाजाचे नेते बबन हुलसुरे, डॉ.वैजनाथ राठोड, कंधारेवाडीचे सरपंच शंकरर डिघोळे, बाचोटीचे माजी सरपंच संभाजी हसनवाड, माळाकोळीचे उपसरपंच अरूण सोनटक्के, लोहा भाजप युवा मोर्चाचे सरचिटणीस कृष्णा केंद्रे, मंगरुळचे सरपंच किरण हाके, वडार समाजाचे गोविंद पवार, कंधार खरेदी विक्री संघाचे सदस्य राजीव मुकनर, धावरीचे सरपंच अशोक गित्ते,
अॅड.सागर डोग्रजकर, बबन जोंधळे, प्रेमानंद गायकवाड, विहान कदम आदींसह सर्वपक्षीय नेते, पदाधिकारी, कार्यकर्ते, विविध गावचे सरपंच, उपसरपंच, सदस्य, सोसायटीची चेअरमन, व्हाईसचेरमन, प्रतिष्ठित नागरिक व असंख्य ओबीसी समाज बांधव मोठ्या संख्येने सहभागी झाले होते.यावेळी उपविभागीय पोलीस अधिकारी डॉ.अश्विनी जगताप यांच्या मार्गदर्शनाखाली पोलीस निरीक्षक चंद्रकांत जाधव यांनी चोख पोलीस बंदोबस्त तैनात केला होता.
विविध घोषणांनी परिसर दणाणला
यावेळी हिंदवी स्वराज्याचे संस्थापक छत्रपती शिवाजी महाराज, भारतीय राज्यघटनेचे शिल्पकार तथा भारतरत्न डॉ.बाबासाहेब आंबेडकर, लोकशाहीर तथा साहित्यरत्न अण्णाभाऊ साठे, वंचित बहुजन आघाडीचे राष्ट्रीय अध्यक्ष अॅड.प्रकाश उर्फ बाळासाहेब आंबेडकर, ओबीसी योध्दा प्रा.लक्ष्मण हाके यांच्या जय घोषणांनी परिसर दणाणला होता.
या मोर्चाने वेधले लक्ष
या भव्य निषेध मोर्चाने कंधार वासियांचे लक्ष वेधले. या मोर्चात सकल ओबीसी समाज बांधवासह बौद्ध व मातंग समाज बांधव हातात निळे, पिवळे झोंडे व विविध घोषवाक्य असलेले फलक घेऊन मोठ्या संख्येने सहभागी झाले होते.