विमानतळ सांगवी परिसरातल्या स्मशानभूमीत उद्या दुपारी २ वाजता होणार अंत्यसंस्कार
नांदेड, (प्रतिनिधी)- नांदेडच्या सांगवी परिसरातील शिवनेरी भागातील ज्येष्ठ नागरिक माजी सैनिक तथा नांदेड शहरातील टपाल खात्यातील सेवानिवृत्त अधिकारी भगवानराव गंगाराम बनसोडे यांचे आज रात्री साडेदहा वाजता वृद्धापकाळाने निधन झाले. ते ८२ वर्षाचे होते. उदगीर तालुक्यातील मौजे तोगरी येथील ते मूळ रहिवासी होते. गेल्या २० वर्षापासून ते नांदेडच्या लेबर कॉलनी परिसरातील रहिवासी होते. त्यांच्या पश्चात तीन मुली, जावई, दोन मुले, सुना, नातू, पणतू असा मोठा परिवार आहे. जळगाव येथील शासकीय वैद्यकीय महाविद्यालयाच्या प्रसुतीशास्त्र विभागाचे प्रमुख संजय बनसोडे तसेच नांदेड येथील ज्येष्ठ पत्रकार सतीश बनसोडे यांचे ते वडील होत. दिवंगत भगवानराव बनसोडे यांच्या पार्थिवावर उद्या नांदेडच्या सांगवी परिसरातल्या स्मशानभूमीत दुपारी २ वाजता त्यांच्या पार्थिवावर अंत्यसंस्कार करण्यात येणार आहेत.
About the Author
