(मुखेड: प्रतिनिधी )
माध्यमिक आश्रम शाळा वसंतनगर (कोटग्याळ) संकुलातील वसतिगृह अधीक्षक मनोहर घडलिंग आगलावे हे नियत वयोमानानुसार सेवानिवृत्त झाले. तालुक्यातील वर्ताळा येथील रहिवासी मनोहर आगलावे हे दि. 30 जून रोजी वसतिगृह अधीक्षक पदावरून सेवानिवृत्त झाले. वसंतनगर येथील गोविंदराव राठोड सभागृहात त्यांचा सेवानिवृत्तीचा कार्यक्रम संपन्न झाला. यावेळी अनेक मान्यवर उपस्थित होते.मनोहर आगलावे यांच्या चहात्यांनी कार्यक्रमास मोठी गर्दी केली होती. मनोहर आगलावे यांनी निवासी वसतिगृहातील विद्यार्थ्यांना मोठे सहकार्य केले. त्यांच्या सेवानिवृत्तीबद्दल विमुक्त जाती सेवा समिती या शिक्षण संस्थेचे सचिव गंगाधरराव राठोड, आमदार डॉ. तुषार राठोड, प्राचार्य हरिदास राठोड, गोविंद पवार, मुख्याध्यापक शिवाजी डावकरे, प्राचार्य सोपानराव शिंदे, अंकुश गायकवाड, संतोष जामकर, संदीप गेटकेवाड यांनी शुभेच्छा दिल्या.
About the Author
