मुखेड: (दादाराव आगलावे)
महाराष्ट्र शासनाच्या स्वातंत्र्यसेनानी राजसिंह हरिसिंह चौहाण शासकीय औद्योगिक प्रशिक्षण संस्था (Govt.ITI), मुखेड येथे सन २०२५-२६ करिता विविध ट्रेडमध्ये प्रवेशाची पहिली फेरी ५ जुलै पासून सुरुवात झाली आहे. यावेळी नवीन प्रशिक्षणार्थीच्या हस्ते वृक्षारोपण करून नळ कारागीर या व्यवसायात प्रवेश देऊन प्रवेश प्रक्रियेस प्रारंभ करण्यात आला.
मुखेड शहरापासून फक्त ५ किलोमीटर अंतरावर, निसर्गरम्य आणि हिरव्यागार परिसरात वसलेल्या या संस्थेत विद्यार्थ्याला अद्ययावत प्रशिक्षणासोबतच एक सुंदर शैक्षणिक वातावरण मिळेल. या आयटीआय मध्ये वायरमन, फिटर, प्लंबर व शिवणकाम हे ४ ट्रेड आहेत. विद्यार्थी वरिल ट्रेड मध्ये चागले प्रशिक्षण घेऊन स्वतःचा उद्योग, व्यवसाय सुरू करू शकतो किंवा मोठ्या उद्योगांमध्ये नोकरी मिळवू शकतो. या शासकीय आय. टी. आय. संस्थेतून मिळणारी पदविका विद्यार्थ्यांच्या करिअरला बळकटी देईल. सोबतच अत्यंत माफक प्रवेश शुल्क असल्यामुळे विद्यार्थ्यावर आर्थिक ताण सुद्धा पडणार नाही. तसेच विद्यार्थ्याला शासनामार्फत विद्यावेतन म्हणून दरमहा ५०० रुपये दिल्या जाते. येथील अनुभवी आणि पात्र निदेशक विद्यार्थाला मार्गदर्शन करतात. अद्ययावत तंत्रज्ञानावर आधारित कार्यशाळांमध्ये विद्यार्थ्याला प्रत्यक्ष कामाचा अनुभव मिळतो. प्रशिक्षण पूर्ण झाल्यानंतर विविध शासकीय, निमशासकीय आणि खाजगी उद्योगांमध्ये नोकरीच्या उत्तम संधी उपलब्ध होतात. या ट्रेड्समध्ये प्रशिक्षण पूर्ण झाल्यावर विद्यार्थी स्वतःचा व्यवसाय सुरू करू शकतो.
शासकीय आय. टी. आय. मध्ये प्रवेश घेण्यासाठी १० वी गुणपत्रिका, शाळा सोडल्याचा दाखला, जातीचा दाखला, नॉन क्रिमीलेअर प्रमाणपत्र, अधिवास प्रमाणपत्र, राष्ट्रीयत्व प्रमाणपत्र, चालू आर्थिक वर्षाचा उत्पन्न दाखला, आधार कार्ड, बँक पासबुक आदी दाखले लागतात, तसेच विद्यार्थ्यांनी अधिकच्या माहितीसाठी संस्थेशी संपर्क साधावा असे आवाहन नूतन संचालक शिवाजी कोनापूरे, अल्लाप्रसाद कांबळे, दशरथ रोडगे व प्राचार्य जी. जी. पाटणूरकर यांनी केले आहे.
About the Author
