कंधार ;( दिगांबर वाघमारे )
शहरातील भीमगड येथील क्रांती ग्रुपचे चालक चंद्रकांत रेडे यांचे काही दिवसापूर्वीच निधन झाल्याने त्यांच्या कुटुंबीयांवर दुःखाचा डोंगर कोसळला असून त्यांच्या दुःखात सहभागी होत क्रांती चालक-मालक महासंघाच्या वतीने शुक्रवार दि.१ जूलै रोजी रेडे यांच्या परिवाराची सांत्वन पर भेट घेत २५ हजार ५०० रुपयांची आर्थिक मदत देऊन सामाजिक बांधिलकी जोपासली आहे.
भीमगड येथील चालक चंद्रकांत रेडे यांचे अल्पशा आजाराने दुःखद निधन झाले.रेडे परिवाराची आर्थिक परिस्थिती जेमतेम असून त्यांच्यावर दुःखाचा डोंगर कोसळला आहे.आपण समाजाचे काही देणे लागतो या उद्दशाने वेगवेगळे सामाजिक उपक्रम राबवणाऱ्या क्रांती चालक मालक संघटनेचे अध्यक्ष माधव कांबळे व त्यांच्या संघाचे पदाधिकारी व सदस्यांच्या वतीने क्रांती संघटनेचे सदस्य राहिलेल्या रेडे कुटुंबियांच्या दुःखात सहभागी होत क्रांती चालक-मालक महासंघाच्या वतीने त्यांच्या कुटुंबाला संघाच्या सदस्यांकडून वर्गणी जमा करत २५ हजार ५०० रुपयाची आर्थिक मदत देऊन आपले सामाजिक दायित्व जोपासण्याचा प्रयत्न केला.
मयत चंद्रकांत रेडे यांच्या पश्चात आई,वडील,पत्नी आणि एक मुलगा व मुलगी अशी दोन अपत्य असून त्यांच्या परिवाराच्या दुःखात सहभागी होत क्रांती महासंघाच्या वतीने आर्थिक मतदत केल्याने महासंघाच्या या कार्याचे सर्व स्तरातून कौतुक होत आहे.
About the Author
