कंधार ( दिगांबर वाघमारे )
दत्त संप्रदायातील संपूर्ण विधी व भजन संग्रह असलेल्या निखळ परज्ञानी टिपण या ग्रंथाचे प्रकाशन कोलंबी येथील महंत यदुबन गंभीरबन महाराज यांच्या हस्ते नुकतेच दत्त संस्थान मठ बाचोटी येथे करण्यात आले.
दसऱ्याच्या मुहूर्तावर या प्रकाशन सोहळ्याचे आयोजन करण्यात आले होते. अध्यक्षस्थानी बाचोटी येथील मठाचे महंत अवधूतगीर महाराज होते. प्रमुख पाहुणे म्हणून माजी जिल्हा परिषद सदस्य ॲड. विजय धोंडगे, पालम येथील व्यापारी गोंविद घोरपडे, ज्ञानेश्वर झंपलवाड यांच्यासह मान्यवर उपस्थित होते.
दत्त संप्रदायातील भाविकांना या ग्रंथाचा चांगलाच लाभ होईल. कारण या ग्रंथात आरती, पदं, अभंग तर आहेतच, पण संपूर्ण महापूजा विधीची माहिती आहे. त्यामुळे हा ग्रंथ प्रत्येक भक्तांच्या संग्रही ठेवावा, असाच झाला आहे. असे गौरवोद्गार महंत यदुबन गंभीरबन महाराज यांनी काढले.
या आनंद सोहळ्यात दत्त संप्रदायातील भाविक भक्तांची उपस्थिती मोठ्या प्रमाणात होती.
About the Author
