कंधार ( दिगांबर वाघमारे )
नांदेड जिल्हा परिषद निवडणूक 2025-26 च्या पार्श्वभूमीवर फुलवळ सर्कलमध्ये उमेदवारांची हालचाल वेग धरत आहे. याच पार्श्वभूमीवर माजी जिल्हा परिषद सदस्य तथा मा. उपसभापती कंधार, श्री. संभाजीराव पाटील केंद्रे यांच्या सुनबाई व शेकापूर सेवा सहकारी सोसायटीचे चेअरमन शिवाजी संभाजीराव केंद्रे यांच्या पत्नी सौ. रेखाताई शिवाजीराव केंद्रे यांनी प्रचाराचा शुभारंभ करत गावोगावी संवाद बैठकींचा धडाका सुरू केला आहे.
सौ. केंद्रे यांनी अलीकडेच बोरी येथील शंभू महादेवाच्या पवित्र भूमीत अभिषेक करून जिल्हा परिषद निवडणुकीच्या पार्श्वभूमीवर संवाद बैठक घेतली. या बैठकीस परिसरातील सरपंच, ग्रामपंचायत सदस्य, सामाजिक कार्यकर्ते व ग्रामस्थ मोठ्या संख्येने उपस्थित होते.
या प्रसंगी फुलवळचे चेअरमन दत्ता डांगे, संदीप मंगनाळे, कंधारेवाडीचे सरपंच शंकर डिगोळे, वाखरडचे सरपंच ज्ञानेश्वर मुंडे, पोखर्णीचे सरपंच रमेश केंद्रे, नवंद्याचीवाडीचे सरपंच श्रीहरी केंद्रे, गुट्टेवाडीचे सरपंच केशव गुट्टे, भोजुचीवाडीचे माजी सरपंच गंगाधर कागणे, तसेच विविध गावांतील पदाधिकारी, सदस्य आणि ग्रामस्थ उपस्थित होते.
सौ. रेखाताई केंद्रे या उच्च शिक्षित, तसेच शेकापूर ग्राम पंचायतीच्या विद्यमान ग्रामपंचायत सदस्या आहेत. सर्वसामान्य जनतेशी निगडित आणि सामाजिक भान असलेल्या महिला नेत्या म्हणून त्या ओळखल्या जातात. त्या स्थानिक मतदार संघातील उमेदवार आहेत. त्यांचा मतदार संघात सर्वांशी संपर्क आहे.
माजी जिल्हा परिषद सदस्य तथा मा. उपसभापती संभाजीराव पाटील केंद्रे यांच्या कार्यपरंपरेला पुढे नेण्याचा व जनतेच्या समस्या प्रशासनापर्यंत पोहोचवण्याचा त्यांचा निर्धार संवाद बैठकीतून स्पष्ट दिसून येत आहे . स्थानिक उमेदवार असल्याने जनतेतून त्यांना पाठींबा मिळत आहे . आयात उमेदवार नको अशी भावना फुलवळ सर्कल मधील जनतेची आहे .
शेकापूरच्या केंद्रे परिवारातून पुन्हा एकदा जनतेचा आवाज जिल्हा परिषदेत घुमणार, अशी आशा या बैठकीतून व्यक्त करण्यात आली. ग्रामस्थांनी सौ. रेखाताई शिवाजीराव केंद्रे यांना उत्स्फूर्त प्रतिसाद देत त्यांच्या उमेदवारीस पाठिंबा दर्शविला आहे .
फुलवळ सर्कल मधून जनतेनी मला निवडून देऊन सेवा करण्याची संधी दिल्यास स्थानिक जनतेच्या प्रश्नाची सोडवणूक , सर्वसामान्य जनतेच्या अडीअडचणी , आणि फुलवळ गटाचा विकास करेन असे आश्वासन सौ. रेखाताई केंद्रे यांनी मतदारांना दिले .
About the Author
