कंधार (प्रतिनिधी)
कंधार तालुक्यातील बहुजन समाजाच्या हक्कांसाठी आयुष्यभर लढणारे, आंबेडकरी चळवळीतील निष्ठावान कार्यकर्ते आणि समाजसेवेचे प्रतीक म्हणून ओळखले जाणारे आदरणीय सुधाकर अण्णा कांबळे यांचा वाढदिवस कंधारच्या पत्रकारांच्या वतीने उत्साहात साजरा करण्यात आला.
सुधाकर अण्णा कांबळे हे कंधार नगरपरिषदेचे माजी उपनगराध्यक्ष तसेच सलग चौथ्यांदा नगरसेवक म्हणून कार्यरत आहेत. त्यांच्या नेतृत्वाखाली कंधार शहरात अनेक सामाजिक, शैक्षणिक व विकासकामांची यशस्वी अंमलबजावणी झाली आहे. त्यांनी सदैव आंबेडकर विचारांचे मार्गदर्शन घेऊन समाज उन्नतीसाठी झटणाऱ्या कार्यकर्त्यांचे प्रेरणास्थान बनून दाखवले आहे.
स्थानिक नागरिक, सामाजिक संस्था, तसेच आंबेडकरी कार्यकर्त्यांनी अण्णांना वाढदिवसानिमित्त शुभेच्छांचा वर्षाव केला. “सुधाकर अण्णा हे केवळ जनतेचे लोकप्रतिनिधी नसून ते जनतेच्या मनात घर करणारे समाजसेवक आहेत,” अशा भावना विविध स्तरांवरून व्यक्त करण्यात आल्या.
या निमित्ताने कंधार शहरात कंधारच्या पत्रकारांच्या वतीने उत्साहात साजरा करण्यात आला. यावेळी पत्रकार राजेंद्रसिंह ठाकुर , माधव जाभाडे , शाहुल शेख , संभाजी कांबळे , कॉग्रेस पक्षाचे युवानेते सुरेश कल्हाळीकर यांच्यासह त्यांच्या चाहत्यांनी आणि कार्यकर्त्यांनी केक कापून व सामाजिक उपक्रम राबवून वाढदिवस साजरा केला.
आदरणीय सुधाकर अण्णा कांबळे यांना वाढदिवसाच्या मंगलमय हार्दिक शुभेच्छा!
“आपले आयुष्य उत्तम आरोग्य, सुख-समृद्धी आणि जनसेवेच्या नव्या कार्यांनी उजळून निघो, हीच सदिच्छा.”
About the Author
