मरडगा (प्रतिनिधी)
मरडगा येथे साहित्यसम्राट लोकशाहीर अण्णाभाऊ साठे यांच्या पुतळ्याचे अनावरण सोहळा मोठ्या उत्साहात पार पडला. या ऐतिहासिक प्रसंगी अनावरणाचा मान माननीय आमदार बाबुराव कदम यांना लाभला.
कार्यक्रमास शिवसेना जिल्हाप्रमुख विवेकजी देशमुख, जि.प.चे माजी उपसभापती बाळासाहेब कदम, माजी जिल्हा परिषद सदस्य संभाजीराव लांडगे, सामाजिक कार्यकर्ते गुणवंत काळे, सरपंच बाबुराव काळे, माजी नगरसेवक आनंद कांबळे, सामाजिक कार्यकर्ते के.डी. पवार यांच्यासह परिसरातील मातंग समाजातील अनेक माता-भगिनी व नागरिक मोठ्या संख्येने उपस्थित होते.
या कार्यक्रमाचे अध्यक्षस्थान लसाकम (लोकशाहीर अण्णाभाऊ साठे कामगार महासंघ) महाराष्ट्राचे महासचिव म्हणून मी स्वतः भूषविले, अशी माहिती आयोजकांनी दिली.
कार्यक्रमाचे सुत्रसंचालन साहेबराव गजभारे यांनी प्रभावीपणे केले.
या अनावरण सोहळ्यात वक्त्यांनी अण्णाभाऊ साठे यांच्या जीवनकार्याचा गौरव करत, त्यांचे विचार नव्या पिढीपर्यंत पोहोचवण्याची गरज व्यक्त केली. “अण्णाभाऊ साठे यांनी समाजातील वंचित, शोषित घटकांना लेखणीच्या माध्यमातून आवाज दिला. त्यांचे विचार हे आजही प्रेरणादायी आहेत,” असे मत आमदार बाबुराव कदम यांनी व्यक्त केले.
या प्रसंगी उपस्थित कार्यकर्त्यांनी समाज एकतेचा संदेश देत अण्णाभाऊ साठे यांच्या कार्याला सलाम केला. कार्यक्रमानंतर परिसरात सांस्कृतिक कार्यक्रम आणि समाजभोजनाचे आयोजन करण्यात आले.
About the Author
