कंधार ; प्रतिनिधी
गडगा ते कपीलधारा या पारंपरिक मन्मथ स्वामी दिंडी पदयात्रेचे आज कंधार शहरात दिमाखदार स्वागत करण्यात आले. शहरात विविध ठिकाणी रंगीबेरंगी रांगोळ्या, फुलांची आरास आणि टाळ-मृदंगाच्या गजरात भाविकांनी स्वागत करून धार्मिक उत्साहाचे वातावरण निर्माण केले.
या वेळी हारेश्वर महाराज गडगेकर यांच्या स्वागतासाठी अनेक मान्यवर उपस्थित होते. माजी नगरसेवक तथा काँग्रेसचे युवानेते शहाजीराजे नळगे यांनी स्वतः हारेश्वर महाराज गडगेकर यांचे स्वागत करून दिंडीच्या भाविकांचे अभिनंदन केले.
स्वागत सोहळ्यात शंकर महाराज स्वामी, ऍड. गजानन बनसोडे, दत्ता बनसोडे, गणेश (तात्या) भिसे, नामदेव बनसोडे, तसेच तेली समाज प्रतिनिधी मोठ्या संख्येने सहभागी झाले होते.
कंधार शहरातील धार्मिक आणि सामाजिक उपक्रमांमध्ये सक्रिय सहभाग घेणारे शहाजीराजे नळगे हे सध्या काँग्रेस पक्षाचे प्रमुख युवानेते म्हणून ओळखले जातात. आगामी कंधार नगरपरिषद निवडणूक 2025 मध्ये नगराध्यक्ष पदाचे आरक्षण इतर मागास प्रवर्ग (OBC) साठी जाहीर झाल्याने, त्यांचे नाव काँग्रेसकडून प्रमुख दावेदार म्हणून चर्चेत आले आहे.
शहाजीराजे नळगे यांना राजकीय वारसा लाभलेला असून ते माजी नगराध्यक्ष अरविंदराव नळगे व माजी नगराध्यक्षा सौ. शोभाताई नळगे यांचे सुपुत्र आहेत. नळगे कुटुंबाचे कंधार नगरपालिकेतील योगदान उल्लेखनीय असून शहरात “नगरपालिका म्हणजे नळगे साहेबांची ओळख” अशी जनमानसात प्रतिमा आहे.
युवाशक्ती, समाजकार्य आणि धार्मिक परंपरेचा संगम साधत शहाजीराजे नळगे यांनी पुन्हा एकदा कंधारकरांचे लक्ष वेधून घेतले आहे. आगामी निवडणुकीत त्यांचा सहभाग नगरराजकारणात नवी दिशा देणारा ठरण्याची चिन्हे आहेत.
About the Author
