अहमदपूर ( प्रा भगवान आमलापुरे)
येथील पुसाप तर्फे पंचायत समितीच्या शिवछत्रपती सभाग्रहात निमंत्रितांचे कविसंमेलन आणि गुलामीकडे बोट या कविता संग्रहाचे प्रकाशन होणार आहे.
शेती निष्ठ शेतकरी धनंजय येलगट्टे आणि ग्रामीण कवी वैजनाथ गित्ते यांच्या हस्ते गुलामीकडे बोट या कविता संग्रहाचे प्रकाशन होणार आहे. अध्यक्षपदी सुप्रसिद्ध विडंबनकार श्री प्रभाकर साळेगावकर असणार आहेत. तर प्रमुख पाहुणे म्हणून श्री मच्छिंद्र गोजमे, शिवाजी स्वामी, सुनील खंडाळीकर आणि वामन साबळे तर स्वागताध्यक्ष पदी श्री एन डी राठोड हे असणार आहेत.
या दोन्ही कार्यक्रमाचे सुत्रसंचालन सुप्रसिद्ध निवेदक राजेसाहेब कदम हे करणार आहेत.पुस्तक प्रकाशनानंतर डॉ बाबासाहेब आंबेडकर मराठवाडा विद्यापीठ छत्रपती संभाजीनगरची नुकतीच पीएच डी मिळवल्याबद्दल प्रा डॉ भागवत गुरमे यांचा मान्यवरांच्या हस्ते सत्कार करण्यात येणार आहे.
परिसर प्रकाशन आंबेजोगाईने प्रकाशनासाठी सज्ज केलेल्या गुलामीकडे बोट या प्रातिनिधिक कविता संग्रहात अहमदपूर येथील एकमेव कवी श्री नितीन राठोड हे आहेत. कविता संग्रहात एकूण.. जणांच्या कविता आहेत. सदरील प्रकाशन कार्यक्रम अमर हबीब, अंबाजोगाई यांच्या मार्गदर्शनाखाली होणार आहे.पुस्तक प्रकाशनानंतर लगेचच निमंत्रितांचे कविसंमेलन आयोजित करण्यात आले आहे. नितीन राठोड, दत्ता वालेकर, बालाजी मुंडे, प्रा अनिल चवळे, अनंत काशिकर, बी व्ही मुंडे, बाबू कोपले, गणेश चव्हाण, बी डी पाठक परळी वैजनाथ, वर्षा माळी, कामाक्षी पवार, मिनाक्षी तौर शकुंतला शिंदे, रंजना गायकवाड, श्रीरंग थोरात वसमत, शेषेराव जाधव लोहा, सुभाष साबळे, कवी विजय पवार,प्रा भगवान आमलापुरे, शिवाजी नामपल्ले, शिवा कराड, आर के गजलवार, संजीव कुमार भोसले, प्रफुल्ल धामणगावकर, आर एस कुंटे, हिसाळाकार मुरहारी कराड, वैजनाथ कांबळे, पवन कच्छवे आणि आबा पांचाळ इ निमंत्रित कवी सहभागी होणार आहेत. या दोन्ही कार्यक्रमास उपस्थित राहण्याचे आवाहन पुसाप अहमदपूर तर्फे करण्यात आले आहे.
About the Author
