कंधार :: ( दिगांबर वाघमारे )
रविंद्रनाथ टागोर प्राथमिक शाळा कंधार येथे छत्रपती शिवाजी महाराज यांच्या जयंतीनिमित्त सांस्कृतिक कार्यक्रम व पालक मेळाव्याचे आयोजन करण्यात आले होते , यावेळी विद्यार्थ्यांनी आपल्या उत्कृष्ट नृत्याविष्काराने उपस्थितांची मने जिंकली. कार्यक्रमाचे उद्घाटन केंद्रप्रमुख माधव कांबळे व मान्यवरांच्या हस्ते दीपप्रज्वलन व प्रतिमा पुजनाने करण्यात आले.
यावेळी नगरसेवक दिलीप पवार ,नगरसेवक दिलीप देशमुख, माजी पंचायत समिती सदस्य उत्तम चव्हाण, खाजगी शिक्षक संघटनेचे तालुकाध्यक्ष भास्कर कळकेकर,संस्थेचे सचिव तथा भाजपा मंडळ अध्यक्ष गंगाप्रसाद यन्नावार, मुख्याध्यापक बसवेश्वर मंगनाळे, दिगंबर वाघमारे, मोहम्मद अन्सारुद्दीन ,हरिहर चिवडे ,श्री जमीर सर, यन्नावार शिवण, शिक्षण संस्थेचे अध्यक्ष गोविंदराव यन्नावार, श्री शिवकुमार बच्चेवार, पत्रकार महंमद सिकंदर, राजेश्वर कांबळे, माधव भालेराव, शुभम केंद्रे,अविनाश कदम, रमाताई कठारे, सेवानिवृत्त मुख्याध्यापिका सिंधुताई यन्नावार, मुख्याध्यापक सुभाष मुंडे, यांच्यासह पालक व विद्यार्थी उपस्थित होते.
यावर्षीच्या सांस्कृतिक कार्यक्रमाची थीम ही महाराष्ट्राची “लोककला” ही होती यामध्ये लावणी, भारुड, वासुदेव, पोवाडा, गोंधळ, तमाशा अशा पारंपरिक लोककलांचा समावेश होता विद्यार्थ्यांनी अतिशय उत्कृष्ट नृत्याविष्काराने या लोककला सादर करुन उपस्थितांची मने जिंकली. लोककला सह बाॅलिवुड साॅंग,शिवाजी महाराजांची स्तुतीपर गीते, धार्मिक गीते, रिमीक्स गीते सादर केली, यावेळी उपस्थित मान्यवरांनी विद्यार्थ्यांचे कौतुक केले.
कार्यक्रमाचे नियोजन व दिग्दर्शन सहशिक्षक श्रीमती मंजुषा यन्नावार, श्रीमती यास्मीन शेख, श्रीमती परोडवाड, श्री तारकेश तपासे, श्री रोहिदास सुर्यवंशी, श्री एकनाथ तिडके, यांनी केले.
https://www.facebook.com/share/v/18VfiXeB9Z/
यावेळी प्रास्ताविक गंगाप्रसाद यन्नावार यांनी केले तर मनोगत उत्तम चव्हाण, माधव कांबळे विद्यार्थ्यांच्या कलागुणांना प्रोत्साहन देणारा सांस्कृतिक कार्यक्रम घेणे म्हणजेच विद्यार्थ्यांच्या कलागुणांचा अविष्कार घडवणे होय असे ते म्हणाले, सुत्रसंचालन व आभारप्रदर्शन एकनाथ तिडके यांनी केले.
About the Author
