कंधार : ता.प्र.
संत गाडगेबाबा यांची जयंती संत गाडगेबाबा शिक्षण संस्था कंधार संचलित महात्मा फुले प्राथमिक शाळेत उत्साहपूर्ण वातावरणात साजरी करण्यात आली.
कार्यक्रमाच्या प्रारंभी संत गाडगेबाबा यांच्या प्रतिमेस पुष्पहार अर्पण करून अभिवादन करण्यात आले. यानंतर विद्यार्थ्यांनी संत गाडगेबाबांच्या जीवनकार्यावर आधारित भाषणे सादर केली.आपल्या अध्यक्षीय भाषणात मुख्याध्यापक दिगांबर वाघमारे म्हणाले की, संत गाडगेबाबांनी आयुष्यभर कीर्तनाच्या माध्यमातून समाजप्रबोधन केले आणि स्वच्छतेचा संदेश दिला. त्यांनी स्वतः हातात झाडू-खराटा घेऊन गावोगावी स्वच्छता करून आदर्श निर्माण केला. विद्यार्थ्यांनी त्यांच्या या कार्यातून प्रेरणा घेऊन स्वच्छता, प्रामाणिकपणा व समाजसेवा हे गुण आत्मसात करावेत, असे आवाहन त्यांनी केले.
कार्यक्रमात उत्कृष्ट भाषण करणाऱ्या विद्यार्थ्यांना शैक्षणिक साहित्य वाटप करून गौरविण्यात आले. यावेळी शिक्षिका उषा कागणे, राजू केंद्रे, माणिक बोरकर तसेच मेघा जाधव उपस्थित होते.
कार्यक्रमामुळे विद्यार्थ्यांमध्ये स्वच्छतेबाबत जागरूकता निर्माण झाली असून संत गाडगेबाबांच्या विचारांचे संवर्धन करण्याचा संकल्प यावेळी व्यक्त करण्यात आला.
About the Author
