कंधार : प्रतिनिधी
श्री शिवाजी माध्यमिक व उच्च माध्यमिक विद्यालयाचे उपमुख्याध्यापक श्रीराम मोरे यांच्या सेवानिवृत्ती निमित्त शनिवार दि. २८ फेब्रुवारी रोजी शाळेच्या वतीने सपत्नीक भावपूर्ण सत्कार करण्यात आला.
तब्बल ३१ वर्षे शिक्षण क्षेत्रात प्रामाणिकपणे सेवा बजावून त्यांनी आपल्या कार्याचा ठसा उमटवला.
यावेळी विद्यालयात सेवापूर्ती सोहळ्याचे आयोजन करण्यात आले होते. कार्यक्रम प्रसंगी उपस्थित मान्यवरांनी श्रीराम मोरे यांच्या कार्याचा गौरव करत त्यांच्या शैक्षणिक योगदानाचा विशेष उल्लेख केला. विद्यार्थ्यांच्या सर्वांगीण विकासासाठी त्यांनी घेतलेले प्रयत्न, शिस्तप्रिय स्वभाव आणि सहकाऱ्यांशी असलेले स्नेहपूर्ण संबंध यामुळे ते सर्वांच्या मनात आदराचे स्थान निर्माण करू शकले, असे प्रतिपादन
या कार्यक्रमास मुक्तेश्वरजी केशवरावजी धोंडगे, व प्रा. डॉ. पुरुषोत्तम केशवरावजी धोंडगे, यांनी मनोगतातून केले. कार्यक्रमास
शंकररावजी आंबटवाड, मुख्याध्यापक घोरबांड, भास्कर पाटील कळकेकर, पंडितराव मोरे पाटील, अरविंद मोरे, पंजाबराव मोरे यांच्यासह कुटुंबीय उपस्थित होते. यावेळी त्यांचे सुपुत्र वैभव मोरे, डॉ. अनिकेत मोरे तसेच कन्या डॉ. संपदा मोरे यांचीही उपस्थिती लाभली.
तसेच विद्यालयातील सर्व मुख्याध्यापक, शिक्षकवृंद, शिक्षकेतर कर्मचारी, मित्रपरिवार व हितचिंतक मोठ्या संख्येने उपस्थित होते. उपस्थितांनी श्रीराम मोरे यांना पुढील आयुष्यासाठी शुभेच्छा देत त्यांच्या निवृत्तीनंतरही सामाजिक व शैक्षणिक क्षेत्रात कार्यरत राहण्याची अपेक्षा व्यक्त केली.
कार्यक्रमाचे वातावरण कृतज्ञता, स्नेह आणि आदराने भारावून गेले होते.
About the Author
