फुलवळ (धोंडीबा बोरगावे)
कंधार तालुक्यातील फुलवळ येथील हुसेन काशीमसाब निछलकर वय ४३ वर्ष यांचे अल्पशा आजाराने ता. १ एप्रिल रोज बुधवारी दुपारी २ वाजता दुःखद निधन झाले. त्याचे दुःख अनावर झाल्याने थकलेला बाप काशीम लालासाब निछलकर वय ७० वर्ष हे मुलाच्या मृत्यूच्या विरहात अवघ्या चार तासांतच म्हणजेच ठीक ६ वाजता गतप्राण झाले असल्याने फुलवळ गावावर शोककळा पसरली आहे.
फुलवळ येथील हुसेन निछलकर हे गेल्या काही दिवसांपासून आजारी होते. त्यांच्या आजारावर बरेच दिवस झाले उपचार चालूच होते पण आज अचानक त्यांची प्राणज्योत मावळली. त्यांच्या पश्चात आई ,पत्नी , दोन मुल , एक सून , दोन बहिणी असा परिवार आहे.
तर मुलाच्या मृत्यूचे दुःख अनावर झाले असल्याने वयाने थकलेला बाप काशीम निछलकर यांनी मुलाचा मृत्यू होऊन अवघे चार तास होतात न होतात तेवढ्यात मुलाचा विरह सहन झालेल्या बापानेही जीव गमावला असल्याने गावात सर्वत्र हळहळ व्यक्त केली जात असून गावावर शोककळा पसरली आहे.
आजच रात्री ८:३० त्या बाप-लेकावर एकाच वेळी अंत्यसंस्कार करण्यात येणार आहे.
About the Author
