मुखेड: प्रतिनिधी
अखिल महाराष्ट्र प्राथमिक शिक्षक संघाच्या जिल्हा उपाध्यक्षपदी कर्तव्यदक्ष व आदर्श शिक्षक म्हणून ओळख असलेल्या माधव पाटील तुपदाळकर यांची निवड करण्यात आली आहे. केंद्रीय प्राथमिक शाळा कासराळी (ता. बिलोली) येथे झालेल्या नूतन कार्यकारिणीच्या निवड प्रक्रियेदरम्यान त्यांना राज्याध्यक्ष देविदासराव बसवदे यांच्या हस्ते नियुक्तीपत्र देऊन ही जबाबदारी सोपविण्यात आली.
माधव पाटील तुपदाळकर हे पीएमश्री जिल्हा परिषद हायस्कूल (मुलींचे), मुखेड येथे कार्यरत असून उत्तम संघटन कौशल्य, शैक्षणिक बांधिलकी आणि शिक्षकांच्या प्रश्नांबाबत सतत पुढाकार घेणारे नेतृत्व म्हणून त्यांची ओळख आहे. त्यांच्या निवडीमुळे शिक्षक संघटनेला सक्षम व अभ्यासू नेतृत्व लाभल्याची भावना शिक्षकवर्गात व्यक्त होत आहे.
या प्रसंगी राष्ट्रीय कार्याध्यक्ष देविदासराव बसवदे, राज्य संयुक्त चिटणीस दिलीप देवकांबळे, राज्य उपाध्यक्ष फारूक बेग, राज्य संघटक जयवंत काळे, राज्य नेते चंद्रकांत दामेकर, जिल्हाध्यक्ष संतोष कदम, जिल्हा कोषाध्यक्ष दीपक लोहबंदे, माजी अध्यक्ष सुधाकर थडके, संचालक हनुमंत जोगपेठे, जिल्हा कार्याध्यक्ष प्रवीण पाटील, जिल्हा नेते गंगाधर मावले, नांदेड पतपेढीचे अध्यक्ष अशोक पवळे, जिल्हाध्यक्ष माणिक कदम, जिल्हा संघटक महेश हनवटे, जिल्हा उपाध्यक्ष मारोती गायकवाड, जिल्हा नेते सुरेश बाराळे तसेच हरी पवार, सुरेंद्र चव्हाण, भोगाजी सर, नूतन बिलोली अध्यक्ष मिनके सर, तालुका सरचिटणीस रमेश गायकवाड आदी मान्यवर उपस्थित होते.
माधव पाटील तुपदाळकर यांच्या निवडीबद्दल आमदार डॉ. तुषार राठोड, माजी नगराध्यक्ष तथा शिक्षक नेते गंगाधर राठोड, गटशिक्षणाधिकारी बी.एम. पाटील, पीएमश्री शाळेचे मुख्याध्यापक राजपूत सर, नगरपरिषदेचे उपाध्यक्ष राजकुमार बामणे, शाळा व्यवस्थापन समितीचे अध्यक्ष संजय यलमवाड, सांस्कृतिक विभाग प्रमुख दिलीपराव देवकांबळे, पत्रकार दादाराव आगलावे, व्यवस्थापन समितीचे माजी अध्यक्ष मेहताब शेख, पीएमसी व्यवस्थापन समितीचे सर्व सदस्य तसेच शिक्षक शिक्षीका व शिक्षकेत्तर कर्मचारी यांनी अभिनंदन केले आहे. माधव पाटील तुपदाळकर यांच्या निवडीनंतर देविदासराव बसवदे म्हणाले की,, माधव पाटील तुपदाळकर यांच्या निवडीमुळे संघटनेच्या कार्याला नवी दिशा मिळेल आणि शिक्षकांच्या समस्या अधिक प्रभावीपणे मांडल्या जातील, असा विश्वास मला आहे.
यावेळी माधव पाटील तुपदाळकर म्हणाले की, हे पद केवळ सन्मानाचे नसून जबाबदारीचे आहे. जिल्ह्यातील शिक्षकांचे प्रश्न, समस्या, सेवा अटी, बदली, वेतनविषयक अडचणी, शाळांच्या सुविधा, शैक्षणिक गुणवत्ता वाढविणे या सर्व बाबींमध्ये संघटनेचे प्रभावी प्रतिनिधित्व करणे, संघटनेचे धोरण राबवतो, शिक्षकांशी सातत्याने संवाद ठेवणे आणि शासन व प्रशासनापर्यंत शिक्षकांचे प्रश्न पोहोचवतो. तसेच शैक्षणिक उपक्रम, प्रशिक्षण कार्यक्रम, सामाजिक उपक्रम यांचे नियोजन व अंमलबजावणी करण्यातही त्यांची महत्त्वपूर्ण भूमिका माझी आहे.
About the Author
