कंधार :(दिगांबर वाघमारे )
थोर समाजसुधारक महात्मा बसवेश्वर महाराज यांच्या ८९५ व्या जयंतीनिमित्त कंधार तालुका काँग्रेस कमिटीच्या वतीने काँग्रेस पक्ष कार्यालय, कंधार येथे अभिवादन कार्यक्रमाचे आयोजन करण्यात आले.
यावेळी महात्मा बसवेश्वर महाराजांच्या प्रतिमा व पुतळ्यास पुष्पहार अर्पण करून त्यांना विनम्र अभिवादन करण्यात आले. कार्यक्रमास कंधार तालुका काँग्रेस कमिटीचे अध्यक्ष संजय भोसीकर, शहराध्यक्ष सय्यद सलीम सय्यद रहीम, नांदेड जिल्हा सरचिटणीस बसवेश्वरराव मंगनाळे, माजी पंचायत समिती सदस्य तथा जिल्हा सचिव माधवराव गित्ते, जिल्हा सहसचिव रमेशसिंह ठाकुर, माजी सरपंच मन्मथ नाईकवाडे, नगरसेवक प्रतिनिधी सचिन बसवंते, तालुका काँग्रेस कमिटीचे सचिव सुरेश कल्लाळीकर, के.पी. नवघरे, युवक काँग्रेस जिल्हा महासचिव शिवम पाटील कुरुळेकर, मोहनराव कांबळे, वैभव पाटील टेकाळे, मुन्ना बसवंते यांच्यासह अनेक पदाधिकारी व कार्यकर्ते मोठ्या संख्येने उपस्थित होते.
यावेळी उपस्थित मान्यवरांनी महात्मा बसवेश्वर महाराज यांच्या सामाजिक समता, बंधुता आणि मानवतेच्या विचारांचे स्मरण करून त्यांच्या कार्याचा आदर्श समाजाने घ्यावा, असे मत व्यक्त केले. कार्यक्रम शांततापूर्ण व उत्साहपूर्ण वातावरणात संपन्न झाला.
About the Author
