गट साधन केंद्र पंचायत समिती कंधार येथे १ मे महाराष्ट्र दिनानिमित्त ध्वजारोहण सोहळा उत्साहात पार पडला. राष्ट्रपती पुरस्कार प्राप्त केंद्रप्रमुख तथा गटशिक्षणाधिकारी (प्रतिनिधी) यांच्या हस्ते ध्वजारोहण करण्यात आले.
या प्रसंगी शालेय पोषण आहार अधीक्षक सुरेश जाधव यांची प्रमुख उपस्थिती होती. केंद्रप्रमुख शेख इकबाल, पांडुरंग मुंडे, वरिष्ठ लेखा सहाय्यक शिवाजी डिकळे, वरिष्ठ लिपिक जोरुळे सर, फजल सर तसेच विशेष शिक्षक, विषय तज्ञ व गट साधन केंद्रातील सर्व कर्मचारी उपस्थित होते. कार्यक्रमाची सुरुवात ‘वंदे मातरम’ गीताने झाली. त्यानंतर ध्वजारोहण करण्यात आले. राष्ट्रगीत व राज्यगीत गायनानंतर सामूहिक संविधानाचे वाचन परमेश्वर बोरीकर यांनी करून घेतले. शेवटी आभार प्रदर्शनाने कार्यक्रमाची सांगता करण्यात आली.
