कंधार (दिगांबर वाघमारे )
फेब्रुवारी 2026 मध्ये घेण्यात आलेल्या महाराष्ट्र राज्य माध्यमिक शिक्षण मंडळाच्या दहावी परीक्षेचा निकाल गुरुवारी (दि. 8 मे) जाहीर झाला. यंदा कंधार तालुक्याचा एकूण निकाल 68.77 टक्के लागला असून मुलींनी पुन्हा एकदा मुलांपेक्षा सरस कामगिरी केली आहे. तालुक्यात मुलांचे उत्तीर्ण प्रमाण 62.14 टक्के, तर मुलींचे उत्तीर्ण प्रमाण 77.88 टक्के इतके नोंदवले गेले.
यंदाच्या निकालात कंधार तालुक्यातील संत गाडगेबाबा माध्यमिक विद्यालय, सोमठाणा या शाळेने सर्वाधिक 95.65 टक्के निकालाची नोंद करत तालुक्यात अव्वल स्थान पटकावले. तर कंधार शहरातून महात्मा फुले विद्यालय, नवामोंढा या शाळेने 95.23 टक्के निकालासह विशेष यश संपादन केले.
संत गाडगेबाबा माध्यमिक विद्यालयाने आपल्या उज्ज्वल यशपरंपरेला कायम ठेवत उत्कृष्ट निकाल मिळवला. शाळेतील 7 विद्यार्थी विशेष प्राविण्य, 5 विद्यार्थी प्रथम श्रेणी, तर 10 विद्यार्थी द्वितीय श्रेणीत उत्तीर्ण झाले. तर कंधार शहरातील महात्मा फुले विद्यालये चे गुणवंत विद्धयार्थी 1)कु कांचन सुभाष मुसळे 96.20, 2)रोहन कँटीराम मुसळे 95.20,(3)कु मानसी उमेश बिजले 90.40., असे यश संपादन करत शाळेचा निकाल 95.23 एवढा लागला आहे. विद्यार्थ्यांच्या या यशाबद्दल संस्थेचे संस्थापक अध्यक्ष प्रा. डी. एन. केंद्रे, कोषाध्यक्षा सौ. मुक्ताबाई दौलत केंद्रे, सचिव चेतनभाऊ केंद्रे, तसेच मुख्याध्यापिका अनुराधा चेतन केंद्रे, शिक्षक व शिक्षकेतर कर्मचाऱ्यांनी विद्यार्थ्यांचे अभिनंदन करून पुढील वाटचालीस शुभेच्छा दिल्या.
यंदा कंधार तालुक्यातून एकूण 3628 विद्यार्थी दहावी परीक्षेला बसले होते. त्यामध्ये 2071 मुले व 1557 मुलींचा समावेश होता. त्यापैकी मोठ्या संख्येने विद्यार्थी उत्तीर्ण झाले असून तालुक्याचा निकाल समाधानकारक मानला जात आहे.तालुक्यातील इतर शाळांचाही निकाल उल्लेखनीय लागला असून त्यामध्ये —
संत नामदेव महाराज माध्यमिक विद्यालय, पानशेवडी – 94.28%
श्री शिवाजी विद्यालय, दिग्रस – 84.93%,
माणिक प्रभू विद्यालय, अंबुलगा – 83.56%,
प्रियदर्शनी माध्यमिक विद्यालय, कंधार – 82.66%,
मनोविकास विद्यालय – 81.25%,
श्री शिवाजी विद्यालय, कंधार – 74.63%,
असा उल्लेखनीय निकाल लागला आहे.तालुक्यातील विविध शाळांनी मिळवलेल्या या यशामुळे विद्यार्थ्यांमध्ये आनंदाचे वातावरण असून पालक व शिक्षकांकडूनही समाधान व्यक्त करण्यात येत आहे.
About the Author
