कंधार :(दिगांबर वाघमारे )
महाराष्ट्र राज्य मराठी पत्रकार संघटनेचे राज्य संघटक तथा संपादक संजय भोकरे यांच्या हत्येचा कट रचणाऱ्या मुख्य सूत्रधाराला तात्काळ अटक करण्यात यावी तसेच शासनाने त्यांना झेड प्लस सुरक्षा प्रदान करावी, या मागणीचे निवेदन कंधार येथील पत्रकारांच्या वतीने उपविभागीय अधिकारी व तहसीलदार यांना देण्यात आले.
पत्रकार हा लोकशाहीचा चौथा आधारस्तंभ असून त्यांच्या सुरक्षेची जबाबदारी शासनाची आहे. संस्थेच्या जमीन वादातून पत्रकार तथा राज्य संघटक संजय भोकरे यांना जीवे मारण्याचा कट रचण्यात आल्याचे पोलिसांच्या सतर्कतेमुळे उघड झाले आहे. आरोपींनी ज्या पद्धतीने कट रचला, त्यावरून भविष्यातही अशा प्रकारचा धोका संभवतो, त्यामुळे शासनाने याकडे गांभीर्याने पाहून तातडीने सुरक्षा द्यावी, अशी मागणी निवेदनाद्वारे करण्यात आली.
या संदर्भात संबंधित मंत्रीमहोदयांनी सकारात्मक प्रतिसाद देऊन पत्रकार संरक्षणासाठी योग्य ती कार्यवाही करावी, अशी अपेक्षाही व्यक्त करण्यात आली.यावेळी महाराष्ट्र राज्य मराठी पत्रकार संघ शाखा कंधारचे अध्यक्ष मिर्झा जमीर बेग, सचिव सुभाष वाघमारे, कार्याध्यक्ष माधव भालेराव, उपाध्यक्ष एस. पी. केंद्रे, सहसचिव भागवत गोरे, कोषाध्यक्ष दिगंबर वाघमारे, संघटक मोहम्मद सिकंदर, हणमंत मुसळे, संतोष कांबळे, माधव गोटमवाड, दत्ता बंधुके आदी उपस्थित होते.
About the Author
