अन्याय खपवून घेतला जाणार नाही अन्यायग्रस्त शिक्षकांचा हुंकार
नांदेड: प्रतिनिधी
53 प्लस च्या नावाखाली जेस्ट शिक्षकांना समायोजनाच्या यादीतून वगळले आहे. परंतु महाराष्ट्र शासन ग्राम विकास व जलसंधारण विभाग शासन निर्णय 2011 च्या जीआर नुसार 53 प्लस ला वगळण्याचे कुठेही नमूद केलेले नाही. सेवा जेष्ठ 53 प्लस शिक्षकांना वगळून समायोजनाच्या याद्या तयार केल्यामुळे शिक्षण विभागात चर्चेला उद्यान आले असून मुख्यकार्यकारी अधिकारी यांनी अभ्यासपूर्ण समायोजन करावे अशी मागणी शिक्षक वर्गातून होत आहे.
सन 2025-26 च्या संच मान्यतेप्रमाणे अतिरिक्त होत असलेल्या शिक्षकांचे तालुकास्तरावर समायोजन करून उर्वरित शिक्षकांना जिल्हास्तरीय समुपदेशनासाठी कार्यमुक्त करणे बाबतचे जिपनां/ शिअ/प्रा.1अ 2779 / 2026 या जावक क्रमांक नुसार दिनांक 7 मे 2026 च्या शिक्षण विभाग प्राथमिक जिल्हा परिषद नांदेड च्या पत्रानुसार अतिरिक्त शिक्षक समायोजन करण्याचे शिक्षणाधिकारी प्राथमिक जिल्हा परिषद नांदेड यांनी सुचविले आहे. त्यानुसार समायोजनाच्या हालचालीला वेग आलेला आहे परंतु तालुकास्तरावरून मात्र सेवा जेस्ठ शिक्षकांना 53 प्लस च्या नावाखाली समायोजनाच्या यादीतून वगळले आहे. परंतु महाराष्ट्र शासन ग्राम विकास व जलसंधारण विभाग शासन निर्णय क्रमांक जिपब-511 प्र.क्र. 54/आ- 14 मंत्रालय मुंबई, दिनांक 12 व 18 मे 2011 च्या जीआर नुसार 53 प्लस ला वगळण्याचे कुठेही नमूद केलेले नाही. 2011 च्या जीआर मध्ये अनुक्रमांक 3- ब मध्ये ‘ज्या शिक्षकांच्या समायोजन दिनांकापासून (30 सप्टेंबर पासून) सेवानिवृत्तीस पाच वर्षे कालावधी शिल्लक राहिलेला असल्यास (तरीसुद्धा समायोजनाद्वारे शाळेत अतिरिक्त ठरत असल्यास त्यांच्या विनंती प्रमाणे त्याच तालुक्यात इतर शाळेत प्राधान्याने समायोजन करण्यात यावे) असे नमूद करण्यात आलेले आहे.’ सेवा जेष्ठ 53 प्लस कर्मचाऱ्यांना समायोजनातून वगळण्यात यावे असे अजिबात जीआर मध्ये नमूद केलेले नाही, तरीसुद्धा सेवा जेष्ठ 53 प्लस शिक्षकांना समायोजनाच्या यादीतून का वगळण्यात आले आहे हे समजत नाही. समायोजन चा जीआर 2011 च्या नंतर निघालेला नाही.
यापूर्वी 53 प्लस सेवा जेष्ठ शिक्षकांचे समायोजन झालेले आहे हे सर्वांना माहीत आहे. तरी तात्काळ सेवा जेष्ठ 53 प्लस शिक्षकांना समायोजनच्या यादीत समाविष्ट करण्यात यावे अशी मागणी जोर धरत आहे. यादीत 53 प्लस च्या नावाखाली सेवा जेष्ठ शिक्षकांना वगळले असून सेवा कनिष्ठ शिक्षकांना समायोजन यादीत घातले आहे. सेवाज्येष्ठ यादीत माझे नाव घालून माझ्यावरती अन्याय केला असल्याची तक्रार जिल्हा परिषद प्राथमिक शाळा होनवडज ता. मुखेड येथील सहशिक्षक करकेलवार शशिकांत राजेंद्र यांनी गटशिक्षणाधिकारी मुखेड यांच्याकडे केली आहे.
निवेदनात त्यांनी नमूद केले आहे की यापूर्वी पंचायत समितीने लावलेल्या समायोजन यादीत व आताच्या लावलेल्या यादीत खूप शिक्षकांची नावे बदललेली आहेत. 53 प्लस शिक्षकांना कोणत्या कारणाने सूट दिली याचा खुलासा करावा असेही निवेदनात उल्लेख केलेला आहे. सदरील गांभीर्यपूर्वक घटनेकडे माननीय मुख्यकार्यकारी अधिकारी नांदेड यांनी लक्ष घालून समायोजन यादी दुरुस्त करून घ्यावी व सेवा जेष्ठ तरीपण प्लस शिक्षक शिक्षीकांनाही यादीत समाविष्ट करून घ्यावे त्यानंतरच समायोजन करावे अशी विनंती अन्यायग्रस्त शिक्षक वर्गातून होत आहे.
सेवा जेष्ठ 53 प्लस यादीत असणारे बरेचशे शिक्षक नेते असल्यामुळे यंदाच्या समायोजन करण्याच्या यादीत त्यांचे नाव दबाव आणून वगळण्यात आल्याचे बोलले जाते.समायोजन यादीतील अन्यायग्रस्त समायोजन शिक्षकाचे शिष्टमंडळ मुख्य कार्यकारी अधिकारी नांदेड यांना लवकरच भेटणार आहे.
About the Author
