#नांदेड :
शिवसेनेचे खासदार डॉ. श्रीकांत एकनाथराव शिंदे हे नांदेड दौऱ्यावर आले असता माजी खासदार तथा विधिमंडळ उपविधान समितीचे अध्यक्ष प्रतापराव पाटील चिखलीकर यांनी शिष्टमंडळासह त्यांची भेट घेतली. यावेळी नांदेड विधान परिषद निवडणुकीच्या अनुषंगाने विविध राजकीय विषयांवर चर्चा करण्यात आली.
राष्ट्रवादी काँग्रेस पार्टीच्यावतीने माजी आमदार तथा शहर जिल्हाध्यक्ष ओमप्रकाश पोकर्णा, माजी आमदार अविनाशराव घाटे, नांदेड उत्तर जिल्हाध्यक्ष बाळासाहेब पाटील रावणगावकर, नांदेड दक्षिण जिल्हाध्यक्ष शिवराज पाटील होटाळकर, प्रदेश सरचिटणीस प्रविण पाटील चिखलीकर, शहर कार्याध्यक्ष माधव पावडे आदी मान्यवरांच्या शिष्टमंडळाने डॉ. शिंदे यांची भेट घेऊन आगामी निवडणुकीसंदर्भात चर्चा केली.
यावेळी माजी खासदार आनंद परांजपे, विधान परिषदेचे आमदार हेमंत पाटील, नांदेड उत्तर विधानसभा मतदारसंघाचे आमदार बालाजीराव कल्याणकर, नांदेड दक्षिण विधानसभा मतदारसंघाचे आमदार आनंदराव बोंढारकर, शिवसेना जिल्हाप्रमुख विनय पाटील गिरडे आदींची प्रमुख उपस्थिती होती.
या भेटीमुळे नांदेड जिल्ह्यातील राजकीय घडामोडींना वेग आला असून आगामी विधान परिषद निवडणुकीच्या दृष्टीने या बैठकीकडे राजकीय वर्तुळाचे लक्ष लागले आहे.
About the Author
