कंधार (विशेष प्रतिनिधी):
नवीन शैक्षणिक वर्ष सुरू होत असल्याच्या पार्श्वभूमीवर, पालकांना आर्थिक दिलासा देण्यासाठी कंधारमध्ये एका स्तुत्य उपक्रमाची सुरुवात करण्यात आली आहे. ‘ना नफा ना तोटा’ या उदात्त तत्त्वावर आधारित ‘स्वस्त दरात वह्या व शालेय साहित्य विक्री केंद्र’ मुख्य बाजारपेठ, कंधार (जि. नांदेड) येथे सुरू करण्यात आले आहे.
या केंद्राच्या माध्यमातून शालेय विद्यार्थ्यांसाठी विशेष सवलतीमध्ये वह्या आणि इतर शालेय साहित्य उपलब्ध करून देण्यात येत आहे. बाजारातील वाढत्या महागाईच्या काळात पालकांचा आर्थिक भार हलका व्हावा, या उद्देशाने साहित्यांवर थेट ४०%, ३०% आणि २०% पर्यंतची मोठी सूट दिली जात आहे. उच्च प्रतीच्या वह्या, परवडणारे दर आणि उत्तम गुणवत्ता ही या केंद्राची मुख्य वैशिष्ट्ये आहेत.
ही नाविन्यपूर्ण आणि समाजोपयोगी संकल्पना ‘कडक खबर न्यूज नेटवर्क’चे संपादक तथा ‘क्रांतीज्योती पब्लिक स्कूल, कंधार’चे संस्थापक शुभम नागोराव केंद्रे यांची असून, या सामाजिक उपक्रमामध्ये प्राध्यापक ओम पेठकर तसेच मातृ हृदय आणि उपक्रमशील शिक्षक सतीश देवकते सर हे देखील सक्रियपणे सहभागी झाले आहेत. शिक्षण क्षेत्राशी संबंधित या मान्यवरांच्या पुढाकारामुळे कंधार व परिसरातील विद्यार्थी आणि पालकांमध्ये या उपक्रमाबद्दल कमालीचा उत्साह पाहायला मिळत आहे.सध्या या विक्री केंद्राला पालकांकडून मोठा प्रतिसाद लाभत असून, जास्तीत जास्त नागरिकांनी या सुवर्णसंधीचा लाभ घ्यावा आणि केंद्राला भेट द्यावी, असे आवाहन आयोजकांच्या वतीने करण्यात आले आहे. अधिक माहिती व संपर्कासाठी (9309143654) आणि ९०६७४५५३६८ या क्रमांकांवर संपर्क साधता येईल.
About the Author
