कंधार :(दिगांबर वाघमारे )
कंधार तालुक्यातील संगमवाडी येथील पाच तरुण बांधवांची भारतीय सैन्य दलात निवड झाल्याबद्दल गावात उत्साहाचे वातावरण निर्माण झाले आहे. देशसेवेची परंपरा कायम राखत भारतीय सैन्यात दाखल झालेल्या या पाचही वीरपुत्रांचा गावकऱ्यांच्या वतीने जाहीर नागरी सत्कार करण्यात आला आणि त्यांच्या पुढील उज्ज्वल भविष्यासाठी व कार्यास शुभेच्छा देण्यात आल्या.
सैन्य दलात निवड झालेल्यांमध्ये अग्निवीर पवन परमेश्वर घुगे, लखन परमेश्वर घुगे, ऋषिकेश मारुती घुगे, शिवदास मारुती तिडके आणि कृष्णा बाबुराव घुगे यांचा समावेश आहे. गावातील या तरुणांनी मिळवलेल्या घवघवीत यशामुळे संगमवाडीचे नाव जिल्हाभरात उंचावले असून, उपस्थित मान्यवरांच्या हस्ते या सर्वांचा शाल, श्रीफळ आणि पुष्पहार घालून सन्मान करण्यात आला.
या गौरव सोहळ्याप्रसंगी गावचे सरपंच चक्रधर घुगे, माजी पं. स सदस्य उत्तम चव्हाण गजानन चव्हाण, सशस्त्र सीमा बलाचे (SSB) पी. एस. आय. केंद्रे, माजी सरपंच नामदेवराव केंद्रे, माजी सरपंच माधवराव घुगे, पत्रकार माधव गोटमवाड तसेच माजी सरपंच दगडोबा घुगे प्रामुख्याने उपस्थित होते.
याशिवाय ग्रामपंचायतचे सर्व सन्माननीय सदस्य, सेवा सहकारी सोसायटीचे पदाधिकारी व सदस्य, गावातील ज्येष्ठ मंडळी, माता-भगिनी तसेच तरुण बांधव या सोहळ्याला मोठ्या संख्येने उपस्थित होते. हा सत्कार सोहळा अत्यंत उत्साहात पार पडला असून, संपूर्ण गावातून या पाचही सैनिकांवर कौतुकाचा वर्षाव होत आहे.
About the Author
