वादळ वारा असो, कडक ऊन असो वा मुसळधार पाऊस… परिस्थिती कशीही असली तरी समाजातील प्रत्येक व्यक्ती सुदृढ, निरोगी आणि आनंदी राहिली पाहिजे, याच एका ध्येयाने प्रेरित होऊन अहोरात्र कार्य करणारे व्यक्तिमत्त्व म्हणजेच कंधारचे लाडके योग गुरू आदरणीय निळकंठराव मोरे! आज त्यांचा वाढदिवस. त्यानिमित्ताने त्यांच्या आरोग्यविषयक कार्याचा घेतलेला हा धावता आढावा…
’आरोग्य हीच खरी संपत्ती’ हाच जीवनाचा ध्यास
आजच्या धावपळीच्या आणि मानसिक तणावाच्या युगात माणसाने आरोग्याकडे पूर्णपणे दुर्लक्ष केले आहे. अशा काळात “आरोग्य हीच आपली सर्वात मोठी संपत्ती आहे” हा संदेश निळकंठराव मोरे यांनी केवळ तोंडी न सांगता स्वतःच्या कृतीतून सिद्ध केला आहे. निरोगी शरीरातच सुदृढ मन वास करते, या विचाराने त्यांनी समाज परिवर्तनाचे विडा उचलला आहे.
गाव, वाडी, तांड्यांपर्यंत योगाचा प्रचार आणि प्रसार
योगासने आणि प्राणायाम ही केवळ शहरांपुरती किंवा विशिष्ट वर्गापुरती मर्यादित न राहता ती ग्रामीण भागातील शेवटच्या घटकांपर्यंत पोहोचली पाहिजेत, यासाठी मोरे सरांनी अथक परिश्रम घेतले आहेत. कंधार परिसरातील प्रत्येक गाव, वाडी आणि तांड्यांवर जाऊन त्यांनी योगाचे महत्त्व पटवून दिले. मानवी जीवनात प्राणायामाचे काय स्थान आहे आणि नियमित योगाभ्यासाने असाध्य रोग कसे दूर होऊ शकतात, याचे सोप्या भाषेत मार्गदर्शन करून त्यांनी हजारो लोकांना आरोग्याचा नवा मार्ग दाखवला आहे.
वाखण्याजोगे आणि निस्वार्थी कार्य
कोणत्याही फळाची अपेक्षा न ठेवता, अविरतपणे सुरू असलेले निळकंठराव मोरे यांचे हे कार्य खरोखरच वाखण्याजोगे आहे. आज त्यांच्या मार्गदर्शनामुळे शेकडो नागरिकांनी आपल्या दैनंदिन जीवनशैलीत योगाचा अंतर्भाव केला असून ते निरोगी आयुष्य जगत आहेत. अनेकांसाठी ते केवळ एक योग शिक्षक नसून, जीवनाला सकारात्मक दिशा देणारे खंबीर मार्गदर्शक आणि स्नेही आहेत.
निर्मिक आपणास वाढदिवसाच्या उदंड सदिच्छा…!
ईश्वर आपणास दीर्घायुष्य आणि उत्तम आरोग्य लाभो, याच सदिच्छा!
शुभेच्छुक:
महाराष्ट्र राज्य मराठी पत्रकार संघ, कंधार
About the Author
