ग्यान गंगोत्री इंग्लिश स्कूलची कंधार येथे उत्साहात सुरुवात

yugsakshi-admin 2026-06-15 1 minute read

Post Views: 121

कंधार : (दिगांबर वाघमारे )

संत गाडगेबाबा शिक्षण संस्थेअंतर्गत सुरू करण्यात आलेल्या ग्यान गंगोत्री इंग्लिश GYAN GANGOTRI स्कूलचा शुभारंभ संभाजीनगर, नवामोंढा, कंधार येथे उत्साहपूर्ण वातावरणात संपन्न झाला. संस्थेच्या संचालिका तथा महात्मा फुले माध्यमिक विद्यालयाच्या मुख्याध्यापिका सौ.अनुराधा तुकाराम गीते(केंद्रे)यांच्या हस्ते शाळेचे उद्घाटन करण्यात आले.

यावेळी Nursery, LKG (Lower Kindergarten) आणि UKG (Upper Kindergarten) या पूर्व-प्राथमिक वर्गांचा शुभारंभ महात्मा फुले प्राथमिक शाळेच्या इमारतीत करण्यात आला.नवीन शैक्षणिक उपक्रमाच्या प्रारंभाला पालकांनी उत्स्फूर्त प्रतिसाद देत मोठ्या संख्येने उपस्थिती दर्शविली.तर या प्रसंगी संत गाडगे बाबा शिक्षण संस्थेचे संस्थापक अध्यक्ष प्रा.डी.एन.केंद्रे,सचिव चेतनभाऊ केंद्रे यांनी शुभेच्छा दिल्या.

ग्यान गंगोत्री इंग्लिश स्कूलच्या माध्यमातून विद्यार्थ्यांना दर्जेदार इंग्रजी माध्यमाचे शिक्षण उपलब्ध करून देण्याचा संस्थेचा मानस असल्याची माहिती संस्थेच्या संचालिका तथा महात्मा फुले माध्यमिक विद्यालयाच्या मुख्याध्यापिका सौ.अनुराधा तुकाराम गीते(केंद्रे) यांनी शुभारंभ प्रसंगी दिली. Nursery, LKG व UKG या वर्गांना पालक वर्गातून अत्यंत चांगला प्रतिसाद मिळत असून प्रवेश प्रक्रियेलाही उत्साहवर्धक प्रतिसाद मिळत असल्याची माहिती शाळेचे व्यवस्थापक अनिकेत केंद्रे यांनी दिली.

कार्यक्रमास महात्मा फुले प्राथमिक शाळेचे मुख्याध्यापक डी.जी.वाघमारे, सौ.यू.एम.कागणे,आनंद आगलावे, राजू केंद्रे,सौ.रंजना लुंगारे,माणिक बोरकर,मेघा जाधव,पुनम सालमोटे तसेच व्यवस्थापक अनिकेत केंद्रे यांच्यासह पालक मोठ्या संख्येने उपस्थित होते.

ग्यान गंगोत्री इंग्लिश स्कूलच्या प्रारंभामुळे कंधार परिसरातील विद्यार्थ्यांना गुणवत्तापूर्ण इंग्रजी माध्यमाचे शिक्षण स्थानिक पातळीवर उपलब्ध होणार असल्याने पालकांमध्ये समाधानाचे वातावरण निर्माण झाले आहे.