filter: 0; fileterIntensity: 0.0; filterMask: 0; captureOrientation: 0; algolist: 0; multi-frame: 0; brp_mask:0; brp_del_th:null; brp_del_sen:null; delta:null; module: photo;hw-remosaic: false;touch: (-1.0, -1.0);sceneMode: 2621440;cct_value: 0;AI_Scene: (-1, -1);aec_lux: 0.0;aec_lux_index: 0;albedo: ;confidence: ;motionLevel: -1;weatherinfo: weather?null, icon:null, weatherInfo:100;temperature: 50;
कंधार, दि. १५ जून २०२६ : महात्मा फुले प्राथमिक शाळा, नवामोंढा, कंधार येथे नवीन शैक्षणिक वर्ष २०२६-२७ च्या प्रारंभानिमित्त शाळा प्रवेशोत्सव व मोफत शालेय पाठ्यपुस्तक वाटप कार्यक्रम उत्साहपूर्ण वातावरणात संपन्न झाला.
कार्यक्रमास कंधार तालुका तलाठी संघटनेचे तालुकाध्यक्ष अमरकुमार बसवंते, पालक प्रतिनिधी अमित मोरे व उद्धव वाघमारे, शाळेचे मुख्याध्यापक डी. जी. वाघमारे, आकाश केंद्रे तसेच शिक्षक व कर्मचारी सौ. यू. एम. कागणे, आनंद आगलावे, राजू केंद्रे, माणिक बोरकर, मेघा जाधव, पुनम सालमोटे आणि सौ. लुंगारे मॅडम यांच्यासह पालक मोठ्या संख्येने उपस्थित होते. उपस्थित मान्यवरांचे पुष्पगुच्छ देऊन स्वागत करण्यात आले.
यावेळी मार्गदर्शन करताना मुख्याध्यापक डी. जी. वाघमारे यांनी विद्यार्थ्यांना वर्षभर राबविण्यात येणाऱ्या विविध शैक्षणिक उपक्रमांमध्ये, स्पर्धा परीक्षांमध्ये, भाषण स्पर्धा, सांस्कृतिक कार्यक्रम, राष्ट्रीय सण तसेच मैदानी खेळांमध्ये सक्रिय सहभाग घेऊन स्वतःचे व शाळेचे नाव उज्ज्वल करण्याचे आवाहन केले. तसेच विद्यार्थ्यांनी महात्मा फुले प्राथमिक शाळेच्या आनंदी, प्रेरणादायी आणि गुणवत्तापूर्ण शैक्षणिक वातावरणाचा लाभ घ्यावा, असेही त्यांनी सांगितले.कार्यक्रमामुळे विद्यार्थ्यांमध्ये नवीन शैक्षणिक वर्षाबाबत उत्साहाचे वातावरण निर्माण झाले असून शाळेच्या शैक्षणिक वाटचालीला नवचैतन्य प्राप्त झाले आहे.
About the Author
