कंधार | प्रतिनिधी
विशेष संक्षिप्त पुनरिक्षण (SIR) कार्यक्रमांतर्गत सुरू असलेल्या मतदार नोंदणी व पडताळणी मोहिमेत प्रत्येक पात्र नागरिकाने सहभागी होऊन आपले नाव मतदार यादीत असल्याची खात्री करावी आणि आवश्यक असल्यास तातडीने नोंदणी प्रक्रिया पूर्ण करावी, असे आवाहन कंधार तालुका काँग्रेस कमिटीचे अध्यक्ष संजय भोसीकर यांनी केले.
पानभोसी (ता. कंधार) येथे मतदारांच्या गृहभेटी व मतदार नोंदणी अर्ज भरण्याच्या प्रक्रियेची पाहणी केल्यानंतर ते बोलत होते. यावेळी त्यांनी बूथस्तरावरील अधिकाऱ्यांकडून सुरू असलेल्या कामकाजाचा आढावा घेतला तसेच मतदार नोंदणी प्रक्रिया पारदर्शक व नियमांनुसार राबविण्याबाबत सूचना केल्या.
भोसीकर म्हणाले, “मतदान हा प्रत्येक नागरिकाचा घटनात्मक अधिकार असून लोकशाही बळकट करण्यासाठी प्रत्येक पात्र नागरिकाचे नाव मतदार यादीत असणे आवश्यक आहे. कोणताही पात्र मतदार वंचित राहू नये, यासाठी सर्वांनी सहकार्य करावे.”
या पाहणीवेळी बीएलओ मारोती केंद्रे, मल्लिकार्जुन मरशिवणे, शंकर लांडगे, पोलिस पाटील शेख इसाक, बीएलओ शेख साबुद्दीन पटेल, मनोहर भोसीकर, सारनाथ जोंधळे, ईश्वर जोंधळे, ईश्वर लुंगारे तसेच गावातील अनेक मतदार उपस्थित होते.
About the Author
