पत्रकात वारंवार करण्यात येणाऱ्या बदलांमुळे विद्यार्थ्यांचे शैक्षणिक नुकसान होत असल्याने स्थिर व एकसमान वेळापत्रक निश्चित करा -विक्की यन्नावार या पालकाचे मुख्यमंत्र्यांना निवेदन
प्राथमिक व माध्यमिक शाळांच्या वेळापत्रकात वारंवार करण्यात येणाऱ्या बदलांमुळे विद्यार्थ्यांचे शैक्षणिक नुकसान होत असल्याने स्थिर व एकसमान वेळापत्रक निश्चित करण्याबाबत.
संदर्भ : १. मा. जिल्हाधिकारी तथा अध्यक्ष, जिल्हा आपत्ती व्यवस्थापन प्राधिकरण, नांदेड यांचे पत्र क्र.
२०२६/मशाका-२/आ.व्य.प्र./कावि, दि. २१/०६/२०२६.
२. मा. जिल्हाधिकारी तथा अध्यक्ष, जिल्हा आपत्ती व्यवस्थापन प्राधिकरण, नांदेड यांचे पत्र क्र. जिपना/शि आ (मा.) / मा.७/२०२६/Camp, दि. २७/०६/२०२६.
३. मा. शिक्षणाधिकारी (प्राथमिक व माध्यमिक), जिल्हा परिषद, नांदेड यांचे पत्र क्र. जिपना/शिविप्रा/प्रा-२२/४३५५/२०२६, दि. १०/०७/२०२६.
महोदय,
सविनय विनंती आहे की, नांदेड जिल्ह्यातील प्राथमिक व माध्यमिक शाळांच्या वेळापत्रकात अल्प कालावधीत वारंवार बदल करण्यात येत आहेत. या बदलांमुळे विद्यार्थी, पालक, शिक्षक तसेच शाळा प्रशासन यांच्यामध्ये संभ्रमाचे वातावरण निर्माण झाले असून विद्यार्थ्यांच्या शैक्षणिक प्रक्रियेवर प्रतिकूल परिणाम होत आहे. संदर्भ क्र. १ अन्वये शाळांचा वेळ सकाळी ८.०० ते १२.३० असा निश्चित करण्यात आला. त्यानंतर संदर्भ क्र. २ नुसार शाळा नियमित वेळेनुसार भरविण्याचे निर्देश देण्यात आले. त्यानंतर पुन्हा संदर्भ क्र. ३ नुसार दि. ३०/०७/२०२६ पर्यंत सर्व माध्यमांच्या शाळा सकाळी ७.०० ते १२.०० या वेळेत भरविण्याचे आदेश निर्गमित करण्यात आले आहेत. वेळापत्रकातील अशा वारंवार बदलांमुळे विद्यार्थ्यांच्या अभ्यासाचे नियोजन विस्कळीत होत आहे. विशेषतः ग्रामीण भागातील विद्यार्थ्यांना वाहतूक, प्रवास, पालकांचे नियोजन, तसेच शालेय उपक्रम यामध्ये मोठ्या अडचणी निर्माण होत आहेत. शिक्षणात सातत्य राहण्यासाठी स्थिर व नियोजित वेळापत्रक आवश्यक असताना वारंवार होणारे बदल विद्यार्थ्यांच्या मानसिक, शैक्षणिक व शारीरिक आरोग्यावरही परिणाम करणारे ठरत आहेत.
मा. मुख्यमंत्री महोदय, विद्यार्थ्यांचे शैक्षणिक हित सर्वोच्च मानून संबंधित विभागास आवश्यक त्या सूचना देऊन शाळांच्या वेळापत्रकाबाबत स्थिर, स्पष्ट व दीर्घकालीन निर्णय घेण्याचे आदेश दद्यावेत, तसेच अत्यावश्यक परिस्थिती वगळता वारंवार वेळापत्रक बदलण्याची पद्धत टाळण्यात यावी, ही नम्र विनंती.
तरी कृपया विद्यार्थ्यांचे शैक्षणिक हित, गुणवत्तापूर्ण शिक्षण व शालेय व्यवस्थेतील सुसूत्रता कायम राखण्यासाठी आपण या निवेदनाची गांभीर्याने दखल घेऊन योग्य ती कार्यवाही कराल, अशी अपेक्षा व्यक्त करतो.
आपला विश्वासू,
विक्की सुरेशराव यन्नावार पालक
मु. पो. राम मंदिर गल्ली, कंधार, ता. कंधार, जि. नांदेड मो. ९९२३०३१००७
प्रतिलिपी :
१. मा. ना. दादा भुसे, शालेय शिक्षण मंत्री, महाराष्ट्र राज्य, मुंबई.
२. मा. प्रधान सचिव, शालेय शिक्षण व क्रीडा विभाग, महाराष्ट्र शासन, मुंबई.
३. मा. आयुक्त (शिक्षण), महाराष्ट्र राज्य.
४. मा. जिल्हाधिकारी, जिल्हा अधिकारी कार्यालय, नांदेड.
५. मा. मुख्य कार्यकारी अधिकारी, जिल्हा परिषद, नांदेड,
६. मा. शिक्षणाधिकारी (प्राथमिक व माध्यमिक), जिल्हा परिषद, नांदेड,
७. मा. तहसीलदार, तहसील कार्यालय, कंधार जिल्हा नांदेड
८. मा. गट शिक्षण अधिकारी, पंचायत समिती, कंधार जिल्हा नांदेड.
