कंधार :(दिगांबर वाघमारे )
ब्रह्माकुमारीज, उपसेवा केंद्र कंधारच्या वतीने “१० कोटी नशामुक्ती प्रतिज्ञा अभियान” उद्घाटन
कार्यक्रम दि.4 ऑगस्ट रोजी उपविभागीय पोलीस अधिकारी सुनील जुमडे यांच्या प्रमुख उपस्थितीत उत्साहात पार पडला. समाजात वाढत चाललेल्या व्यसनाधीनतेविरुद्ध जनजागृती करून नशामुक्त समाज घडविण्याचा संकल्प यावेळी करण्यात आला.ब्रह्माकुमारीज उपसेवा केंद्र कंधारच्या संचालिका ज्योती बहेनजी यांनी मार्गदर्शन करताना सांगितले की,आज लहान मुलांपासून ते वयोवृद्धांपर्यंत व्यसनाधीनतेचे वाढते प्रमाण ही गंभीर सामाजिक समस्या बनली आहे. व्यसनमुक्त समाज घडविण्यासाठी कुटुंब,शाळा,सामाजिक संस्था, प्रशासन आणि सर्व समाजघटकांनी एकत्रितपणे कार्य करण्याची गरज आहे.आध्यात्मिक मूल्ये आणि सकारात्मक जीवनशैली स्वीकारल्यास व्यसनमुक्त भारताचे ध्येय निश्चितच साध्य होऊ शकते,सांगून कंधार शहरातील व तालुक्यातील शाळा कॉलेजातून तरुणासह शिक्षक,पालक यांनी नशामुक्तीची शपथ दि.2 ऑगस्ट ते 20 ऑगस्ट या कालावधी दरम्यान मोठ्या प्रमाणात घेण्याचे आवाहन ज्योती बहेनजी यांनी केले.
कार्यक्रमास उपविभागीय पोलीस अधिकारी सुनील जुमडे यांनी मार्गदर्शन केले ,“नशामुक्त समाजाची निर्मिती केवळ कायदे किंवा शासनाच्या प्रयत्नांनी शक्य नाही. त्यासाठी प्रत्येक नागरिक,कुटुंब, शैक्षणिक संस्था आणि समाजाची सक्रिय सहभागिता आवश्यक आहे.” त्यांनी युवकांना निरोगी,मूल्याधिष्ठित व जबाबदार जीवनशैली स्वीकारण्याचे आवाहन केले.
नायब तहसिलदार रेखा चामनर,एपीआय राम केदार,श्री शिवाजी हायस्कूल चे मुख्याध्यापक मुरलीधर घोरबांड,डॉ. दिनकर जायभाये,योग शिक्षक निळकंठ मोरे,पत्रकार दिगांबर वाघमारे,संभाजी कांबळे पत्रकार, पंडित लाडेकर यांच्यासह प्रशासकीय अधिकारी,शिक्षणतज्ज्ञ,डॉक्टर, सामाजिक व धार्मिक संस्था, युवक आणि नागरिक कार्यक्रमास उपस्थित होते. यावेळी उपस्थितांनी नशामुक्त समाज घडविण्याची सामूहिक प्रतिज्ञा घेतल. नशेची समस्या केवळ औषधोपचार किंवा नियंत्रणाने संपत नसून,सकारात्मक विचार,कौटुंबिक संस्कार,आत्मविश्वास आणि राजयोग ध्यानाद्वारे व्यक्तीमध्ये अंतर्गत परिवर्तन घडवून आणता येते,असे मत आभार प्रसंगी डॉ.वर्षा डांगे यांनी मानले.
या कार्यक्रमाच्या यशस्वीतेसाठी बी के सतीश भाई, बी के ज्ञानेश्वर भाई, वाडीकर सर, विजय भाई, ओमकार भाई, रहाटकर माता, कमल माता, निकम माता, संगीता माता, जायभाये माता इत्यादींनी मेहनत घेतली.
About the Author
