उदगीर ;प्रतिनिधी
पुणे, मुंबई येथे लाखो रुपये खर्चूनही न मिळणारी आरोग्य सुविधा आता उदगीर मधे मिळत असल्याने मी कोरोना बाधित झाल्या नंतर उपचार लाइफ केअर मधेच घेण्याचे ठरविले आणि हा विश्वास सार्थकी लागला. जनतेच्या आशिर्वाद आणि लाईफ केअर ची टीमने केलेले योग्य उपचार यामुळे माझा पुनर्जन्म झाला असल्याचे माजी आमदार सुधाकर भालेराव यानी सांगितले.
माजी आमदार सुधाकर भालेराव यांचा उपचारा नंतर लाईफ केअर येथे सत्कार करुन बुलढाणा अर्बन बँकेचे वाघ यांच्या हस्ते कोरोना योद्धा हे सन्मान पत्र देण्यात आले. गुरुवार ता. 22 रोजी त्याना रुग्णालयातून डिस्चार्ज देण्यात आला. यावेळी आपल्या भावना व्यक्त करताना त्यानी नागरीकांनी कोरोना झाला तर घाबरुन न जाता लाईफ केअर हॉस्पिटल मधे अत्याधुनिक तंत्रज्ञानाच्या आणि अनुभवी डॉक्टर्सच्या मार्गदर्शनाने आजारा पासुन मुक्त व्हावे असे आवाहन केले. ईतर आजार अर्थात कोरोना नसलेल्या नॉन कोविड रुग्नासाठी स्वतंत्र आय सी यू, स्वतंत्र नर्सिंग कर्मचारी, स्वतंत्र वार्ड़ अशी व्यवस्था करण्यात आली आहे. गरजू रुग्नासाठी महात्मा फ़ुले जन आरोग्य योजने आंतर्गत मोफत उपचार करण्यात येणार असल्याचे यावेळी माजी आमदार सुधाकर भालेराव यानी सांगितले.
यावेळी सी एफ ओ अमोल भालेराव, डॉ ज्ञान विकास , डॉ शिवराज सुर्यवंशी, मिलिंद घनपाठी, डॉ श्याम हिबाने, राजगोविंद कारभारी, किरण पाटील यांच्यासह हॉस्पिटलचे डॉक्टर, नर्स, आणि कर्मचारी उपस्थीत होते.