नांदेड ;(प्रतिनिधी)
काँग्रेसचे ज्येष्ठ नेते माजी आमदार ईश्वरराव भोसीकर यांनी कोरणा विषाणूच्या महामारी चे संकट व अतिवृष्टीमुळे झालेल्या शेतकऱ्यांचे नुकसान या पार्श्वभूमीवर आपला वाढदिवस साजरा न करण्याचा निर्णय घेतला व वाढदिवसानिमित्त सामाजिक उपक्रम राबवणया च्या भुमीकेतुन आज उपकेंद्र पांगरा ता. कंधार येथील आरोग्य कर्मचारी अंगणवाडी सेविका, मदतनीस आशा वर्कर, व गावातील नागरिकांना नांदेड जिल्हा कांग्रेस चे सरचिटणीस संजय भोसीकर व सामाजीक कार्यकर्त्या तथा माजी जिल्हा परिषद सदस्या सौ.वर्षाताई भोसीकर यांच्या वतीने मास्क व सॅनिटायझर चे वाटप करून फवारणीसाठी सोडियम हैपो क्लोराईड औषधे देण्यात आले.यावेळी वैद्यकीय अधिकारी डॉ.सूर्यकांत खतगावे, सरपंच संभाजी पाटील, गोविंदराव पाटील पांगऱेकर, चेअरमन दयानंद पाटील घोरबांड, पत्रकार विठ्ठल कचरे, चंद्रकांत कौशले, माधव टेकाळे शिवा पाटील आरोग्य केंद्रातील परिचारिका कर्मचारी अंगणवाडी सेविका मदतनीस आशा वर्कर व गावातील नागरिकांची उपस्थिती होती.
माजी आमदार ईश्वरराव भोसीकर यांच्या वाढदिवसानिमित्त कोरोना महामारीच्या संकटाच्या काळात आपल्या स्वतःचा जीव धोक्यात घालून अहोरात्र जनतेची सेवा करणाऱ्या आरोग्य कर्मचारी आशा वर्कर अंगणवाडी सेविका यांच्या सुरक्षेसाठी भोसीकर दाम्पत्याच्या वतीने आज मास्क व सॅनिटायझर वाटप करण्यात आले याप्रसंगी प्रमुख करोना योद्धा डॉक्टर सूर्यकांत खतगावे यांचा संजय भोसीकर यांच्या हस्ते सत्कार करण्यात आला.
याप्रसंगी बोलताना संजय भोसीकर म्हणाले की आज देशामध्ये व महाराष्ट्रमध्ये नागरिकांवर मोठ्याप्रमाणावर संकट असून विशेष करून शेतकऱ्यावर अलिकडच्या काळात झालेल्या अतिवृष्टीमुळे मोठे संकट ओढवले आहे कोरोणाशी मुकाबला करत असताना आपण सर्वांनी आपली व आपल्या कुटुंबाची काळजी घ्यावी अशी विनंती त्यांनी याप्रसंगी केली. यावेळी सौ.वर्षाताई भोसीकर म्हणाल्या की कोरणा विषाणूचे संकट हे जरी आता हळूहळू कमी होत असले तरी नागरिकांनी सावधगिरी बाळगूनच आपली व आपल्या कुटुंबाचे रक्षण करावे *महाराष्ट्रामध्ये माझे कुटुंब माझी* *जबाबदारी* ही मोहीम मोठ्या प्रमाणात सुरुवात असून यामधे सर्व नागरिकांनी सक्रिय सहभाग नोंदवून मास्क वापरणे वेळोवेळी हात धुने, अत्यावश्यक असेल तरच घराबाहेर पडणे समाजिक आंतर बाळगणे आदी प्रकारच्या सावधानता बाळगून आपले आपल्या कुटुंबाचे रक्षण करत कोरोणा महामारी चा समर्थपणे नागरिकांनी मुकाबला करावे असे आवाहन सौ. वर्षाताई भोसीकर यांनी केले.
कार्यक्रमाचे आभार प्रदर्शन डॉक्टर खतगावे यांनी केले सर्व गावकऱ्यांच्या वतीने माजी आमदार ईश्वरराव भोसीकर यांना उदंड व निरोगी आयुष्याच्या भावी जीवनासाठी शुभेच्छा दिल्या.