नांदेड ; प्रतिनिधी
सय्यद अजीज यांची वेतन व भ. नि. नि. पथक (प्राथमिक ) नांदेड येथे कनिष्ट लिपिक पदी पदोन्नती मिळाली आहे.त्याबद्दल त्यांच्या कार्यालयाच्या वतीने वेतन पथक अधिक्षक व सहका-यांच्या वतीने दि.२९ डिसेंबर रोजी सत्कार करण्यात आला.
मित्त भाषी मनमिळावू वृत्ती असणारे सय्यद अजीज बाबुमिया यांनी सुमारे 14 वर्ष सेवक म्हणून सेवा बजावली आहे.आपले स्वभाव वैशिष्ट्ये व कामाची हातोटी यामुळे सय्यद अजीज सर्व अधिकारी ,मुख्याध्यापक ,शिक्षक यांच्या गळ्यातील ताईत झाले .
सय्यद अजीज यांना अधिकाऱ्यांनी दिलेले काम कधी झाले नाही असे कधी झाले नाही.संगणक हाताळण्यात तरबेज असणारे अजीज यांनी दिलेले काम वेळेवर करुन आपला ठस्सा त्यांनी उमटवीला आहे.
शिक्षण उपसंचालक लातुर विभाग यांचे आज दि.२९ डिसेंबर रोजी सय्यद अजीज यांना पदोन्नतीचे आदेश प्राप्त झाले असून दि.१ जानेवारी २०२१ रोजी त्यांना पदगृहन करायचा आदेश आहे.
सदरील आदेश प्राप्त होताच वेतन अधिक्षक मदन हगवणे यांनी तात्काळ सय्यद अजीज यांचा सत्कार केला आहे. यावेळी सत्कार कार्यक्रमास सहाय्यक अधिक्षक सुभाष राठोड ,वरिष्ठ लिपीक पपूलवार,लिपीक धोंडगे ,संजय चौडेकर आदीची यावेळी कार्यालयात सत्कार प्रसंगी उपस्थिती होती.
