संविधान दिनानिमित्त, जिल्हा जात प्रमाणपत्र पडताळणी समितीच्या वतीने विद्यार्थ्यांना जात वैधता प्रमाणपत्र वितरित..!

भारताचे एक सार्वभौम, समाजवादी, धर्मनिरपेक्ष लोकशाही गणराज्य घडवण्याचा व सर्व नागरिकांस सामाजिक, आर्थिक व राजनैतिक न्याय, विचार, अभिव्यक्ती, विश्वास, श्रद्धा व उपासना यांचे स्वातंत्र्य व समानता प्राप्त करून देण्याच्या अनुशंगाने दि. 26 नोव्हेंबर,1949 रोजी भारताची राज्यघटना अंगीकृत आणि अधिनियमित करून स्वतःप्रत अर्पण केली. सदर राज्यघटना दि. 26 जानेवारी,1950 पासून अंमलात आली. भारतीय संविधानाची माहिती देशातील नागरिकांना व्हावी तसेच संविधानानुसार काम करणाऱ्या सर्व यंत्रणेतील अधिकारी/कर्मचारी यांना पोहोचविण्यात यावी यासाठी संविधान दिन साजरा करण्यात येतो. संविधानाने शासकीय, न्यायिक अर्धन्यायीक इत्यादी सारख्या यंत्रणा निर्माण झाल्या त्या संविधानाची ओळख सर्वांना करून देण्याच्या अनुशंगाने राज्यात दरवर्षी दिनांक 26 नोव्हेंबर हा दिवस संविधान दिवस म्हणून साजरा करण्यात येतो. दिनांक 26 नोव्हेंबर, संविधान दिन ते 06 डिसेंबर, डॉ. बाबासाहेब आंबेडकर महापरिनिर्वाण दिन या कालावधीत समता पर्व आयोजित करण्यात येत आहे. शासन निर्णय शासन परिपत्रक क्रमांक: सान्यावि-2022/प्र.क्र.229/बांधकामे दिनांक: 25 नोव्हेंबर 2022

संविधान दिनाचे औचित्य साधून, जिल्हा जात प्रमाणपत्र पडताळणी समिती, नांदेड यांच्या वतीने, प्रातिनिधिक स्वरूपात दिनेश भीमराव थोरात या विद्यार्थ्यास आज 26 नोव्हेंबर 2022 रोजी. डॉ. बाबासाहेब आंबेडकर यांच्या पुतळ्यासमोर, श्री. सतेंद्र व्ही. आऊलवार संशोधन अधिकारी तथा सदस्य सचिव जात पडताळणी, नांदेड, श्री. तेजस माळवदकर सहाय्यक आयुक्त, समाज कल्याण कार्यालय नांदेड, श्री. अशोक गोडबोले वरिष्ठ निरीक्षक यांच्या हस्ते वैधता प्रमाणपत्र देण्यात आले. अभियांत्रिकी महाविद्यालयात प्रवेश मिळाला आणि विद्यार्थ्यांना जात वैधता प्रमाणपत्र तात्काळ मिळाल्याने त्या विद्यार्थ्याने समितीचे अध्यक्ष श्री. प्रकाश खपले उपायुक्त श्री. अनिल शेंदारकर व सदस्य सचिव यांचे आभार व्यक्त केले. यावेळी, दिनेश दवणे, संजय पाटील, साजिद हासमी, शिवाजी देशमुख, बाबू कांबळे, सोनू दरेगावकर, मनोज वाघमारे, शंकर होनवडजकर यांच्यासह सर्व कर्मचारी यांची उपस्थिती होती..!