मुखेड:
मुखेड अभिवक्ता संघाचे माजी अध्यक्ष तथा शिवसेनेचे माजी तालुकाप्रमुख ॲड.धनंजय भगवानराव येवतीकर (वय 62 वर्ष) यांचे हृदयविकाराच्या तीव्र धक्क्याने रविवारी दिनांक 13 रोजी दुपारी निधन झाले आहे.
मुखेड अभिवक्ता संघाचे माजी अध्यक्ष तथा शिवसेनेचे माजी तालुकाप्रमुख ॲड.धनंजय येवतीकर यांना हृदयविकाराचा तीव्र धक्का आल्यामुळे मुखेड येथील खाजगी रुग्णालयात त्यांना दाखल करण्यात आले पण पुढील उपचारासाठी नांदेड येथे घेऊन जात असताना त्यांचे निधन झाले आहे. त्यांच्या पश्चात पत्नी, तीन मुले, तीन भाऊ असा मोठा परिवार आहे. मुखेड अभिवक्ता संघाचे अध्यक्ष व शिवसेनेचे तालुकाप्रमुख म्हणून त्यांनी अनेक वर्ष काम केले आहे.
त्यांच्या पार्थिवावर मुखेड येथील मोती नाला जवळील स्मशानभूमीत अंत्यसंस्कार करण्यात आले आहे.या निधनाबद्दल अनेकांनी दुःख व्यक्त केली आहे.
ॲड.धनंजय येवतीकर यांचे वडील ॲड. भगवानराव येवतीकर यांचे पंधरा दिवसापूर्वी निधन झाले होते. वडिलांच्या निधनानंतर पंधरा दिवसात मुलाचे निधन झाल्यामुळे येवतीवर कुटुंबावर दुःखाचा डोंगर कोसळला आहे. येवतीकर पिता-पुत्रांनी मुखेड न्यायालयात अनेक वर्ष वकीली व्यवसाय केला आहे.
About the Author
