सेवानिवृत पोलीस उपअधिक्षक सौ. रिता ग्यानसिंग जाधव यांनी झुनकी (साकी ) बंजारा भाषा कथासंग्राहचे केलेले समिक्षण वाचकासमोर सादर करत आहे .
: धन्यवाद ताई साहेब :झुन की साकी ( कथा ) संग्रह तांडा संस्कृती डोळ्यासमोर उभे करणाऱ्या कथा
———————————————-
*झुनकी* गोरबोली, बंजारा भाषा साकी संग्रह वाचला, छान वाटला, लेखकाने बंजारा समाज जवळून पाहिला आणि जगला असल्याने, तांडा संस्कृती, निसर्ग वर्णन, व्यक्ती वर्णन जसेच्या तसे डोळ्यासमोर उभे केले आहे, एक दोन साकी सोडल्या तर जवळ जवळ सर्व साकीमधे काहीतरी शिकवण मिळते, वस्तुस्थितीचं वर्णन आणि काल्पनिक कथेचे योग्य मिश्रण ताळमेळ घातला असल्याने,काही साकी ह्या काल्पनिक असूनही खऱ्या वाटतात… !!
लेखक हे शिक्षण विभागात नोकरीस असल्याने, व हाडाचे शिक्षक असल्याने त्यांनी वेगवेगळ्या विषयाला छान हाताळले आहे, ह्यातले ” तल्लीनं हरणीच खायं ” ह्या साकीमधे पहिल्या लोकांच्या तेही नायकासारख्या म्होरक्या लोकांच्या शब्दात,अंदाजात किती ताकद होती हे छान रेखाटलं आहे, म्हणूनच सर्व निर्णय गावचा नायक, म्होरके घेत असतं, त्याकाळी त्यांच्या शब्दाला किती मान होता, म्हणूनच त्याकाळी कोर्ट कचेरीची गरज पडत नसावी बहुधा …. !!
एक दोन हलक्या फुलक्या साकी सोडल्या तर सर्व साकी छान, अशा पद्धतीने गोर बोली साहित्य जास्तीत जास्त बंजारा साहित्यिक आपल्या साहित्यात आणतील आणि बंजारा साहित्याची ताकद गोडी किती आहे ते समाजाला आपल्या साहित्यातून दाखवून देतील.
लेखक साकीकार सन्माननीय मोतीराम राठोड साहेबांना पुढील वाटचालीस अनेक शुभेच्छा…✍️👍सौ. रिता ग्यानसिंग जाधव
से.नि.पोलिस उप निरीक्षक/मुंबई
About the Author
