#पुणे| २२ ऑगस्ट २०२५
महाराष्ट्र राज्य पाठ्यपुस्तक मंडळ #बालभारती तर्फे आयोजित ‘पाठ्यपुस्तक लेखन उद्बोधन सत्रा’ चे उद्घाटन शिक्षणमंत्री दादाजी भुसे आज पुणे, बालेवाडी येथे संपन्न झाले.
या दोन दिवसाच्या विचारमंथनातून आपल्याला अपेक्षित असलेलली शिक्षण पद्धती पुढे नेण्याचे काम या कार्यशाळेमुळे संपन्न होईल असा विश्वास यावेळी व्यक्त केला. येणारा काळ हा #AI चा असणार आहे मात्र विद्यार्थ्यांची संस्कृती आणि जमिनीशी असणारी नाळ तुटणार नाही याची काळजी आपण घ्यायला हवी. बालभारतीच्या पुस्तकांची निर्मिती अशी करण्यात यावी की, मुलांना जेवताना मोबाईल ऐवजी बालभारतीचे पुस्तक हाती घ्यावेसे वाटले पाहिजे असा आशावाद यावेळी व्यक्त केला.
राष्ट्र प्रथम या विषयाला पुढे नेताना व गुणवत्तापूर्ण आनंददायी शिक्षण देताना विद्यार्थ्यांना भाकरीचे आणि राष्ट्रीयत्वाचे शिक्षण देणे अपेक्षित आहे. भाकरीचे शिक्षण म्हणजे विद्यार्थी कौशल्याच्या बळावर स्वतःच्या पायावर उभा राहिला पाहिजे आणि हे करत असताना तो विद्यार्थी भारताचा आदर्श नागरिक देखील घडला गेला पाहिजे ही आपली शैक्षणिक जबाबदारी आहे असा आशावाद यावेळी व्यक्त केला. छत्रपती शिवाजी महाराजांच्या लढाया जेवढ्या महत्वाच्या आहेत तेवढाच त्यांनी केलेला राज्यकारभार देखील महत्वाचा आहे. महिलांशी आदरातिथ्याने वागणे, शेतकऱ्यांचं हित जोपासणे हे छत्रपतींचे महत्त्वाचे गुणविशेष पुढील पिढीपर्यंत पोहोचवणे ही आपली जबाबदारी आहे.
राष्ट्रपुरुष आणि क्रांतिकारकांना पाठ्यपुस्तकामध्ये मानाचे स्थान असायला हवे. तसेच तालुका आणि जिल्हा पातळीवरील महत्वाच्या व्यक्तींचे योगदान पाठ्य पुस्तकात कशा पद्धतीने समाविष्ट करता येईल याचा विचार व्हावा तसेच पर्यावरण, सार्वजनिक स्वच्छता, व्यसनमुक्ती, कृषी संदर्भातील विषय, भारताची सुरक्षा व्यवस्था, भूगोल विषयात स्थानिक पातळीवर खनिज संपत्तीचा परिचय, व्यावसायिक शिक्षण अशा विविध बाबींचा पाठ्यपुस्तक निर्मितीदरम्यान विचार व्हावा. जेणेकरून स्पर्धेच्या युगात सामन्यातल्या सामान्य पालकांच्या मुलांना आपण दर्जेदार शिक्षण देऊ शकू.
याप्रसंगी श्री. रनजीत सिंह देओल, श्री. सचिंद्र प्रताप सिंह, श्री. राहुल रेखावार, श्रीमती. अनुराधा ओक, श्री. शरद गोसावी, श्री. महेश पालकर, श्री. कृष्णकुमार पाटील तसेच विषय अधिकारी, अभ्यासक्रम निर्मिती सदस्य व शिक्षण क्षेत्रातील मान्यवर उपस्थित होते.
#EducationReform #QualityEducation #balbharati #AI #rashtrpratham #MaharashtraEducation #pune #DadajiBhuse
About the Author
