कंधार ; तालुका प्रतिनिधी
देशसेवेनंतर समाजसेवेचा ध्यास घेत माजी सैनिकाची पत्नी सौ. सुरेखा बालाजी चुकलवाड या पंचायत समिती गण फुलवळ येथून निवडणुकीच्या रिंगणात उतरल्या आहेत.
माजी सैनिकांच्या कुटुंबातील स्वतः बालाजी चुकलवाड आणि सौ.चुकलवाड यांनी गेल्या चार वर्षांपासून माजी सैनिक संघटना,नांदेड या माध्यमातून गोरगरीब,दिनदुबळ्यांच्या प्रश्नांवर काम केले आहे.अनेकांच्या आडअडचणी सोडविण्यासाठी त्यांनी सातत्याने संघर्ष केला असून आता हा लढा आणखी बळकट करण्यासाठी त्या राजकीय क्षेत्रात प्रवेश करत आहेत.
त्यांच्या मते, “कर्मभूमीवर देशसेवा केल्यानंतर जन्मभूमीत समाजसेवेची संधी मिळणे हे आमचे भाग्य आहे. जणतेच्या हितासाठी, भ्रष्टाचारमुक्त तालुक्यासाठी आणि सामाजिक न्यायासाठी आम्ही निवडणूक लढवत आहोत. जनतेचा आशीर्वाद हा आमचा खरा बळ आहे.”
यावेळी बालाजी चुकलवाड, जिल्हाध्यक्ष – माजी सैनिक संघटना, नांदेड यांनी सांगितले की, “सौ. सुरेखा बालाजी चुकलवाड यांचे उमेदवारी हे माजी सैनिकांच्या सन्मानाचे प्रतीक असून, समाजहितासाठी कार्य करणाऱ्या प्रत्येक जनतेने त्यांना पाठिंबा द्यावा.”
जय हिंद! जय जवान जय किसान!
About the Author
