मुखेड:
येथून जवळच असलेल्या जि. प. प्राथमिक शाळा जाकापूर शाळेतील शिक्षकांच्या पुढाकारातून अभ्यासाच्या पलीकडे जाऊन, जबाबदारी आणि नेतृत्वाची प्रत्यक्ष ओळख करून देण्याच्या उद्देशाने ‘स्वयंशासन दिन’. नुकताच अत्यंत उत्साहात आणि शिस्तबद्ध वातावरणात साजरा करण्यात आला. विद्यार्थी ‘शिक्षक’ आणि ‘प्रशासक’ बनून शाळेचा कारभार पाहीले. सकाळच्या प्रार्थनेपासून ते मधल्या सुट्टीच्या नियोजनापर्यंत सर्व गोष्टींचे नियंत्रण विद्यार्थ्यांच्या हातात होते. शाळेच्या इयत्ता 5 वीच्या वर्गातील शिवभक्ती जाधव या विद्यार्थीनीने ‘मुख्याध्यापक’ म्हणून कार्यभार पाहीला. तिने सर्व वर्गांना भेटी देऊन शिस्तीची पाहणी केली. अध्यापन कार्य, विद्यार्थ्यांनी शिक्षक बनून गणित, मराठी, विज्ञान यांसारखे विषय अतिशय सोप्या भाषेत शिकविले. फळ्यावर काढलेली सुंदर चित्रे आणि शिकवण्याची ओढ पाहून सर्वजण थक्क झाले. शिस्त आणि देखरेख मधल्या सुट्टीत मैदानावरील शिस्त राखण्यासाठी ‘विद्यार्थी पर्यवेक्षकांनी’ महत्त्वाची भूमिका बजावली.
एका दिवसाच्या अनुभवातून विद्यार्थ्यांना अनेक महत्त्वाच्या गोष्टी शिकता आल्या.समारोप आणि अनुभव कथन दिवसाच्या शेवटी विद्यार्थी शिक्षकांच्या मनोगत कार्यक्रमाचे आयोजन करण्यात आले होते. यामध्ये ‘विद्यार्थी शिक्षकांनी’ आपले अनुभव व्यक्त केले. अनेकांनी मान्य केले की, “शिकवणे हे दिसते तितके सोपे नाही, त्यासाठी खूप पूर्वतयारी आणि संयम लागतो. मुख्याध्यापक चंद्रकांत चाटे, सहशिक्षक शिवाजी इंगोले , ज्ञानेश्वर जगताप यांनी विद्यार्थ्यांच्या या प्रयत्नांचे भरभरून कौतुक केले. या स्वयंशासन दिनामध्ये रुद्राक्षी जाधव , पुनम पवार , शिवभक्ती जाधव , तनुश्री पवार , स्वरा पवार , शिवानी ज्ञानेश्वर पवार, शिवानी प्रकाश पवार, तेजस्विनी जाधव, शिवराज जाधव , दर्शन जाधव, बालाजी जाधव, स्वराज जाधव , आर्यन शिरसे , तुकाराम शिरसे , प्रियतम वाघमारे , नारायण जाधव या विद्यार्थ्यांनी सहभाग घेतला होता.
About the Author
