महाराष्ट्र राज्य मराठी पत्रकार संघ व सुंदर अक्षर कार्यशाळेच्या वतीने चिमुकल्यांसोबत रंगोत्सव उत्साहात

Post Views: 9

कंधार : प्रतिनिधी

संत गाडगेबाबा शिक्षण संस्था, कंधार संचलित महात्मा फुले प्राथमिक शाळेत इयत्ता पहिली ते चौथीच्या विद्यार्थ्यांसोबत रंगोत्सव उत्साहात साजरी करण्यात आली.

महाराष्ट्र राज्य मराठी पत्रकार संघ आणि सुंदर अक्षर कार्यशाळेच्या संयुक्त विद्यमाने दि. २ मार्च रोजी हरहुन्नरी कला शिक्षक दत्तात्रय एमेकर यांच्या संकल्पनेतून हा उपक्रम राबविण्यात आला. यावेळी विद्यार्थ्यांना खोबऱ्याचे हार, साखरेचे हार अर्पण करून रंगोत्सव साजरा करण्यात आला.

कार्यक्रमाच्या अध्यक्षस्थानी प्रा. डॉ. गंगाधर तोगरे होते. प्रमुख पाहुणे म्हणून ब्रह्माकुमारीज उपसेवा केंद्राच्या संचालिका ज्योती बहनजी, पत्रकार संघाचे कंधार तालुकाध्यक्ष मिर्झा जमीर बेग, एस. पी. केंद्रे, माधव भालेराव, महंमद सिंकदर, निलेश गायकवाड, संभाजी कांबळे आदी उपस्थित होते.
यावेळी मुख्याध्यापक दिगांबर वाघमारे, सौ. उषा कागणे, राजू केंद्रे, मेघा जाधव यांच्यासह शिक्षकवृंद व विद्यार्थी मोठ्या संख्येने उपस्थित होते.
कार्यक्रमादरम्यान ब्रह्माकुमारीज उपसेवा केंद्राच्या वतीने “वाईट गुणांचे होलिका दहन” हा उपक्रम घेण्यात आला. ज्योती बहनजी यांनी विद्यार्थ्यांना आपल्या मनातील वाईट विचार आणि वाईट वृत्तींचा त्याग करण्याचे आवाहन केले.
अध्यक्ष प्रा. डॉ. गंगाधर तोगरे यांनी समाजातील सर्व घटकांनी वाईट विचारांची होळी करून चांगल्या विचारांचा स्वीकार करावा व समाजाला सकारात्मक दिशा द्यावी, असे प्रतिपादन केले.
यावेळी तालुक्यातील पत्रकार डॉ. दिनकर जायभाये, प्रल्हाद आगबोटे, रवी कांबळे यांच्यासह पत्रकार संघाचे पदाधिकारी व ब्रह्माकुमारीज उपसेवा केंद्राचे सदस्य उपस्थित होते.
कार्यक्रम आनंददायी वातावरणात पार पडला.

महाराष्ट्र राज्य मराठी पत्रकार संघ व सुंदर अक्षर कार्यशाळेच्या वतीने रंगोत्सव कार्यक्रम

संत गाडगेबाबा शिक्षण संस्थेचे संस्थापक अध्यक्ष प्रा डी.एन. केंद्रे हे शिक्षणप्रेमी असल्यानेच महात्मा फुले प्राथमिक शाळेत सर्व भौतिक सुविधा उपलब्ध आहेत – प्रा. डॉ. गंगाधर तोगरे यांचे प्रतिपादन

महात्मा फुले प्राथमिक शाळेतील चिमुकल्याणी रंगोत्सवा चा घेतला आनंद