कंधार (माधव गोटमवाड)
इयत्ता दहावीच्या परीक्षेत कागणे कोचिंग क्लासेस कंधार च्या विद्यार्थ्यांनी नेत्रदीपक यश संपादन करत शिक्षणक्षेत्रात आपला ठसा उमटवला आहे. उत्कृष्ट निकालाची परंपरा जपत विद्यार्थ्यांनी उच्च टक्केवारी मिळवून क्लासेस चे नाव लौकिक केले आहे. विद्यार्थ्यांची मेहनत, पालकांचा विश्वास आणि शिक्षकांचे दर्जेदार मार्गदर्शन यांचा सुंदर संगम या यशामागे असल्याचे चित्र स्पष्टपणे दिसून येते.
या परीक्षेत रोहन कंठीराम मुसळे याने तब्बल 95.20% गुण मिळवत अव्वल स्थान पटकावले आणि सर्वांचे लक्ष वेधून घेतले. तसेच वैष्णवी गोविंद केंद्रे (92.60%), प्रवीण दत्ता केंद्रे (91.00%) आणि मानसी उमेश बिजले (90.40%) यांनीही ९० टक्क्यांहून अधिक गुण मिळवत आपली गुणवत्ता सिद्ध केली. या विद्यार्थ्यांच्या यशामुळे संस्थेचा निकाल अधिक भक्कम झाला आहे.
तसेच राजलक्ष्मी वैभव कुरुडे (87.80%), गोविंद मारोती नागरगोजे (87.20%), ओमकार शंकर बंदुके (85.40%), हाजी इसाक शेख (84.60%), राजश्री विलास गायकवाड (83.40%), प्रतीक देविदास कलवले (82.40%), शाहीन सहेबाली शेख (81.80%) आणि सुरज भगवान राठोड (80.20%) यांनीही उल्लेखनीय यश मिळवत आपली छाप पाडली आहे. या सर्व विद्यार्थ्यांनी कठोर परिश्रम आणि सातत्यपूर्ण अभ्यासाच्या जोरावर हे यश मिळवले आहे.
याशिवाय शबीर मगदूम शेख (79.60%), गणेश श्रीराम गीते (77.40%), हर्षदा शिवाजी मुंडे (72.00%) आणि स्वप्निल अविनाश चव्हाण (64.40%) यांनीही चांगली कामगिरी करत संस्थेच्या निकालात मोलाची भर घातली. प्रत्येक विद्यार्थ्याच्या यशामागे त्यांची चिकाटी आणि योग्य मार्गदर्शन हे महत्त्वाचे घटक ठरले आहेत.
कागणे कोचिंग क्लासेसमध्ये विद्यार्थ्यांना केवळ अभ्यासच नव्हे, तर शिस्त, आत्मविश्वास आणि स्पर्धात्मक वृत्ती विकसित करण्यावरही भर दिला जातो. नियमित टेस्ट सिरीज, वैयक्तिक मार्गदर्शन आणि अभ्यासातील अडचणी दूर करण्यासाठी विशेष सत्रे यामुळे विद्यार्थ्यांना अभ्यासाची योग्य दिशा मिळते. त्यामुळेच दरवर्षी संस्थेचा निकाल उत्तरोत्तर सुधारताना दिसत आहे.
या यशाबद्दल सर्व यशस्वी विद्यार्थ्यांचे, त्यांच्या पालकांचे तसेच शिक्षकांचे सर्वत्र कौतुक होत आहे. “विद्यार्थ्यांची जिद्द आणि शिक्षकांचे समर्पित मार्गदर्शन यामुळेच हे यश शक्य झाले,” असे संस्थेच्या वतीने सांगण्यात आले. कागणे कोचिंग क्लासेसचा हा निकाल परिसरातील इतर विद्यार्थ्यांसाठी प्रेरणादायी ठरत असून, भविष्यातही अशाच उज्ज्वल यशाची अपेक्षा व्यक्त केली जात आहे.
या यशामागे कागणे कोचिंग क्लासेस चे संचालक परमेश्वर कागणे सर,गावंडे सर, चव्हाण सर , बेग सर, गोटमवाड सर , कागणे मॅडम यांचे मोलाचे सहकार्य विद्यार्थ्यांना लाभले.
About the Author
