सज्जादा नशीन व मुतवल्ली सय्यद शाहा अनवारुल्लाह हुसैनी यांची माहिती…
कंधार : प्रतिनिधी
महाराष्ट्रासह इतर राज्यातील हिंदू / मुस्लिम यांचे श्रद्धास्थान असलेल्या “सूफी संत हजरत सय्यद शेख अली सांगडे सुल्तान मुश्किले आसान” रह.अ. यांचा ५९२ वा उर्स महोत्सवाची अनेक वर्षापासूनची परंपरा आज तागायत कायम असून, हा उर्स महोत्सव दि.२३ जुलै २०२६ ते २६ जुलै २०२६ या कालावधीत मोठ्या उत्साहात साजरा होत आहे, तरी सर्व मुस्लिम व हिंदू भाविक भक्तानी या उर्स महोत्सवात मोठ्या संख्येने सहभागी व्हावे, असे आवाहन सय्यद शाह अनवारुल्लाह हुसैनी रफाई कादरी सज्जादा नशीन व मुतवल्ली दर्गाह हजरत सांगडे सुल्तान मुश्किले आसान रह.अ. कंधार यांचे वंशज यांनी केले आहे.
सय्यद शाह अनवारुल्लाह हुसैनी म्हणाले हिंदू-मुस्लिम यांचे श्रद्धास्थान असलेले प्रेम, शांतीचा संदेश आणि बंधूत्व शिकविणारे महान सूफी संत “हजरत सय्यद शेख सांगडे सुल्तान मुश्किले आसान” रह. अ. याचा उरुसास दि.२३ जुलै २०२६ रोजी प्रारंभ होणार असून, कार्यक्रमाची रूपरेषा असी २३ जुलै २०२६ रोजी बाद नमाजे असर सायंकाळी ५:३० वाजता संदल मिरवणूक दर्गाह येथून निघेल व त्याच दिवशी रात्री १०:०० वाजता दर्गाह परिसरात सूफी संत यांच्या महान कार्यावर प्रबोधनपर कार्यक्रम, दि.२४ जुलै २०२६ रोजी सकाळी ७ ते १० या वेळेत फातेहा का प्रसाद व भोजन कार्यक्रमाचे आयोजन, प्रसाद घेण्यासाठी सुफी संत यांच्या निवासस्थानी उपस्थित राहावे,
सायंकाळी चिरागांचा कार्यक्रम आयोजित करण्यात आला असून, दि.२५ जुलै २०२६ रोजी सायंकाळी ५:३० वाजता हजरत सय्यद शाह अजीमोद्दीन (शाह धड़क) रह.अ.तर सय्यद शाह मोईनोद्दीन (शाह कडक) रह अ. कंधार यांचा संदल व रात्री प्रबोधनपर कार्यक्रमाचे आयोजन करण्यात आले आहे.
या वर्षीचा सूफी संत हजरत सय्यद शेख सांगडे सुल्तान मुश्किले आसान त्यांचा ५९२ या उर्स महोत्सव मोठ्या उत्साहात साजरा करण्यात येणार आहे. या उत्सवात भाविकांची गर्दी मोठ्या प्रमाणात होत असते, आपण सर्वांनी गर्दी न करता शिस्तीने सूफी संत यांचे दर्शन घ्यावे, दर्शन घेते वेळी कोणताही अनुचित प्रकार घडणार नाही याची काळजी प्रत्येक भाविकांनी घ्यावी,असे आवाहन केले आहे.
सध्या पावसाचे दिवस असून,कंधार दर्गाह शेजारील जगतुंग तलावात पाणीसाठा मोठ्या प्रमाणात असल्याने हा उत्सव मोठ्या उत्साहात साजरा करत असताना जगतुंगसागर जवळ असल्याने भाविकांनी जगतुंग तलावाकडे आपण किंवा आपले नातेवाईक,लहान मुले यांना तलावाकडे जाऊ देऊ नये, असे सय्यद शाह अनवारुल्लाह हुसैनी रफाई कादरी सज्जादा नशीन व मुतवल्ली दर्गाह हजरत सय्यद शेख सांगडे सुल्तान मुश्किले आसान यांचे वंशज यांनी आवाहन केले आहे.
About the Author
