कंधार :(दिगांबर वाघमारे )
मतदार यादीच्या विशेष सखोल पुनरिक्षण (Special Intensive Revision – SIR) मोहिमेला कंधार तालुक्यात वेग आला असून, तालुक्यातील 14 गावांमधील काम 100 टक्के पूर्ण झाल्याची माहिती उपविभागीय अधिकारी विलास नरवटे यांनी दिली.
यासंदर्भात उपविभागीय अधिकारी कार्यालय, कंधार येथे कंधार व लोहा तालुक्यातील सर्व राजकीय पक्षांचे पदाधिकारी, नगराध्यक्ष, उपनगराध्यक्ष, नगरसेवक तसेच संबंधित अधिकाऱ्यांची आढावा बैठक आयोजित करण्यात आली होती. बैठकीत उपविभागीय अधिकारी तथा लोहा (88) विधानसभा मतदारसंघाचे मतदार नोंदणी अधिकारी विलास नरवटे यांनी SIR मोहिमेची कार्यपद्धती, उद्दिष्टे आणि आतापर्यंतची प्रगती याबाबत सविस्तर माहिती दिली.
त्यांनी सांगितले की, 30 जून 2026 पासून कंधार तालुक्यात SIR मोहिमेला सुरुवात झाली असून 148 मतदान केंद्रस्तरीय अधिकारी (BLO) आणि 15 पर्यवेक्षक या मोहिमेत कार्यरत आहेत. त्यांच्या माध्यमातून मतदारांना गणना फॉर्मचे वाटप पूर्ण करण्यात आले असून, 29 जुलै 2026 पर्यंत BLO App द्वारे ऑनलाइन नोंदणीची सुविधा उपलब्ध आहे.
याअंतर्गत मतदारांकडून माहिती संकलन करून आतापर्यंत सुमारे 50 टक्के गणना फॉर्मचे डिजिटायझेशन पूर्ण करण्यात आले आहे. तसेच तालुक्यातील 14 गावांतील SIR प्रक्रिया शंभर टक्के पूर्ण झाल्याची माहितीही यावेळी देण्यात आली.याच वेळी उत्कृष्ट कामगिरी करणाऱ्या जंगमवाडी (यादीभाग-285), गंगणबिड (यादीभाग-267) आणि कंधार (यादीभाग-235) येथील मतदान केंद्रस्तरीय अधिकारी मारोती शंकर केंद्रे, एम. सी. राठोड आणि बशीर पठाण तसेच पर्यवेक्षक गोपाळ किरपणे आणि शेख मुसा यांचा उपविभागीय अधिकारी विलास नरवटे, तहसीलदार रामेश्वर गोरे आणि नायब तहसीलदार (निवडणूक) रेखा चामणर यांच्या हस्ते सत्कार करण्यात आला.
बैठकीस तहसीलदार तथा मतदार नोंदणी अधिकारी रामेश्वर गोरे, नायब तहसीलदार (निवडणूक) रेखा चामणर, गटविकास अधिकारी महेश पाटील, मुख्याधिकारी संदीप भोळे यांच्यासह कंधार व लोहा तालुक्यातील सर्व राजकीय पक्षांचे पदाधिकारी, नगराध्यक्ष शहाजी नळगे, उपनगराध्यक्ष अ. मन्नान चौधरी तसेच नगरसेवक उपस्थित होते.SIR मोहीम यशस्वी करण्यासाठी निवडणूक शाखेतील एस. एस. वंजे, गंगाधर गोंटे, मन्मथ थोटे, गोपाळ किरपणे, चांदोबा कनकवळे, पांडुरंग जेलेवाड, मंगनाळे मुळे, संगमेश्वर टोपारे तसेच पंचायत समिती कंधार येथील ऑपरेटर माटोरे-कदम मॅडम यांनी विशेष परिश्रम घेत असल्याचे यावेळी नमूद करण्यात आले.
About the Author
