माय तू गं माऊली कृपेची साऊली
तुझ्या करुणेची ज्योत मनात तेवत राहिली !
तुझा वरादहस्त जणू कृपेची छाया
केलीस सर्वांवर तू भरभरुन माया !
प्रेमस्वरुपी तू ज्वलंत निरंतर या मनी
तुझ्या आशीर्वादासाठी आहोत
जीवनभर ऋणी !
साऱ्यांची माय कृष्णामाय म्हणून
तुझी प्रसिद्धी
तुझ्या आशीर्वादाने घरात नांदते सुख-समृद्धी !
प्रेमाचा तुझ्या ह्रदयात अथांग सागर
कधीच रीती झाली नाही तुझ्या
करुणेची घागर !
आज आहे तुझे पुण्यस्मरण गं द्वितीय
करुणा, माया, लडिवाळा तुझा गं
अद्वितीय !
तू होतीस भक्कम आधार साऱ्या
घराचा
प्रेमाने सजविलास घरातील प्रत्येक
साचा !
तुझ्या सद्गुणांची पंचक्रोशीत आहे गं
छाप
सद् वर्तनामुळे यश, किर्ती
मिळविलीस अमाप !
माय तुझा आशीर्वाद सदैव आम्हांवर
राहू दे
जीवनातील चढ-उतार सहन
करण्याची शक्ती दे !
एवढे मागणे तुझ्याठायी साऱ्यांकडे
भरभरून पहा
आम्हां साऱ्यांच्या गं तू सदैव पाठीशी
रहा.. !
डॉ.मिनाक्षी प्रकाश सादलापूरे
कंधार ता.कंधार
जि.नांदेड
मो. ८२०८७६७८७७