अहमदपूर : ( प्रा भगवान आमलापुरे )
येथील सुप्रसिद्ध बालसाहित्यीक मुरहारी कराड, पारकर यांच्या ‘ नव्या जगाची मुले ‘ह्या बालकविता संग्रहाचा आज शुक्रवारी, दि २८ एप्रिल २३ रोजी पुण्यात यथोचित सन्मान होणार आहे.
अधिक माहिती अशी आहे की,येथील बालसाहित्यीक मुरहारी कराड, पारकर यांच्या नव्या जगाची मुले या बालकविता संग्रहास नुकताच महाराष्ट्र साहित्य परिषद, पिंपरी चिंचवड शाखेचा दि बा कुळकर्णी उत्कृष्ट वांड:मय पुरस्कार जाहीर झाला आहे. अर्थातच हा पुरस्कार बालसाहित्य विभागातील आहे.
प्रतिभा महाविद्यालयाच्या सभाग्रहात, जुना मुंबई पुणे रस्ता, चिंचवड येथे आज शुक्रवारी दि २८ एप्रिल २३ रोजी हा राज्यस्तरीय पुरस्कार प्रदान सोहळा संपन्न होणार आहे. या कार्यक्रमात मुरहारी कराड लिखित नव्या जगाची मुले सन्मानीत होणार आहे. या वेळी जेष्ठ शिक्षणतज्ञ आणि लेखक डॉ न म जोशी यांना जीवन साधना पुरस्कार प्रदान करण्यात येणार आहे. पद्ममश्री मा गिरीश प्रभुणे यांच्या हस्ते या पुरस्काराचे वितरण होणार आहे. सुप्रसिद्ध निवेदक सुधीर गाडगीळ आणि मा राजीव बर्वे प्रमुख पाहुणे म्हणून उपस्थित राहणार आहेत. या सन्मानाबद्ल बालसाहित्यीक मुरहारी कराड यांचे शिक्षण आणि साहित्य क्षेत्रातून सर्वत्र अभिनंदन होत आहे.