फुलवळ ( प्रा भगवान आमलापुरे ) भाऊबीज हा वर्षाच्या दिवाळीचा शेवटचा दिवस. त्यानिमित्ताने लाडक्या बहिणीला भाऊबीजेच्या हार्दिक शुभेच्छा देण्यासाठी थेट उप मुख्यमंत्री देवेंद्र फडणवीस यांचा फोन आला. त्यामुळे येथील लाडक्या बहिणी हरकून गेल्या.
अधिक माहिती अशी की भाऊबीज हा दिवाळीचा शेवटचा दिवस. रविवार दि ०३ नोव्हें २४ रोजी ती उत्साहात पार पडली. बहिण भावाच्या प्रेमाचा हा सण पार पडत असतानाच येथील दिपक ग्रहसेवा आणि जनरल स्टोअर्सचे प्रो प्रा जयवंतराव नि हात्ते यांच्या मोबाईलवर रात्री 08 : 50 वाजता 7971304903 या मोबाईल नंबर वरुन थेट उप मुख्यमंत्री देवेंद्र फडणवीस यांचा फोन आला. तो असा, मी देवेंद्र फडणवीस : सुमनताई , आपल्या देवाभाऊकडून आपल्याला भाऊबीजेच्या हार्दिक शुभेच्छा !!!
अर्थातच तो फोन जयवंतराव नि हात्ते यांच्या सुविद्य पत्नी सौ सुमनताई ज हात्ते यांना भाऊबीजेच्या हार्दिक शुभेच्छा देण्यासाठी होता. विशेष म्हणजे 7313767808 या मोबाईल नंबर वरुन दुपारी पण उप मुख्यमंत्र्यांच्या शुभेच्छा आल्या होत्या.