…. लैंगिकतेची परिमाणं प्रत्येक व्यक्तीनुसार बदलत असली तरीही ती उरकण्याची गोष्टच नाही.. मोकळं होणं ,उरकणं, वसुली , खुप वर्ष मिळालं नाही म्हणुन सतत मेकॅनिकली ती गोष्ट करणं , पार्टनरला हवय कि नकोय याचा विचार न करणं, रजोनिवृत्तीत होणारे बदल यावर विचार न करता स्त्रीवर नको ती स्टेटमेंट करणं , स्वतःतील दोष लपवत त्यावर चर्चा न करता मी किती भारी ही फुशारकी मारणं , मी काहीतरी देतो म्हणुन तिने हे सुख द्यावं , मला आवडतं म्हणुन ते पार्टनर कडून मिळवणं अशा अनेक गोष्टीत पुरुष अडकतात आणि खऱ्या आनंदाला मुकतात.. आपल्या पार्टनरला आनंद मिळतोय का किवा स्वतःला आनंद मिळतो का हा साधा प्रश्न यांना पडत नाही.. शारीरिक सुख ही आनंद देणारी / घेणारी गोष्ट आहे त्याला ओरबाडु नका.. आपण दिलं नाही मग ती अजून कुठेतरी जाईल ही तर विकृत मानसिकता झाली.. एखादी व्यक्ती दुसरीकडे जाण्याला अनेक कारणं आहेत त्याचा फक्त शरीर सुखाशी संबंध नाही..
एखाद्या स्त्रीचे मित्र तिच्या नवऱ्याला न आवडणं त्यामुळे सुध्दा स्त्री दुखावली जाते आणि ती तिच्या नवऱ्याचा आदर करत नाही.. यावर तर कोणी विचारही करत नाही.. पुरुषांच्या व्यसनांचा सुध्दा लैगिकतेवर परिणाम होतो.. आता तर मुली व्यसनी आहेत त्यामुळे याचा परिणाम त्यांना भोगावाच लागणार आहे.. नपुंसकलिंगता हा दोष मोठ्या प्रमाणात पुढच्या पिढीत दिसणार आहे. गोळ्यांचे सेवन करुन याही वयात मी कसा ॲक्टीव्ह आहे हे दाखवताना कृत्रिम पध्दतीने तो त्याचा ग्रेटनेस व्यक्त करतो आणि पुरुषत्वाचा आव आणतो… माझं लिंगच लहान किवा जास्त वेळ चालत नाही या न्यूनगंडात अडकत व्यक्ती आनंदाला मुकतात आणि कृत्रिम पध्दतीने आनंद मिळवायला जातात..
लैगिकता व्यक्तीगणिक बदलत असली तरीही काही गोष्टी या सारख्याच आहेत ज्यात बदल होवु शकत नाही..नैसर्गिकपणे घडणारी कृती ही नैसर्गिक राहू दिली आणि त्यात वैविध्य आणून आनंद घेतला तर सुखच सुख आहे.. पार्टनरची आवड ओळखून त्यानुसार स्वतःला मोल्ड करणं हे कधीही योग्य म्हणजे ती प्रोसेस मेकॅनिकली होत नाही.. इथे खरा कस लागतो तो आपल्या पार्टनरवर असलेल्या प्रेमाचा.. फोरप्ले , रोमान्स एखाद्या व्यक्तीसोबत करावा वाटणं हीच भावना प्रत्यक्ष इंटरकोर्सवेळी आनंद देते.. दिवसभर २ व्हीलर हिंडुन घामाघुम होवून काहीतरी उग्र खाऊन स्त्रीजवळ आल्यावर ती नको असताना जवळ जाते पण आनंद घेत नाही त्यामुळे तो पुरुषांना मिळत नाही मग सुरु होतात कंप्लेंट , उडतात खटके , त्यातून सुरु होतात विवाहबाह्य संबंध आणि परिणामी घटस्फोट सुध्दा.. एका लहानशा गोष्टीतुन इतकी मोठी गोष्ट घडु शकते याचा विचार नक्कीच व्हायला हवा..
लैगिकतेत कृत्रिमता नको असेल , मेकॅनिकल प्रोसेस नको असेल तर पार्टनर सोबत संवाद हवा.. दोघांनाही ज्ञान हवं.. दोघांना एकमेकांसाठी बदलायची तयारी हवी.. नुसता स्पर्श सुध्दा रोमॅन्टिक हवा.. फक्त एक कटाक्ष सुद्धा ओढ लावणारा हवा.. फक्त मिठीची आस हवी .. मिठीसाठी चाललेली धडपड सुद्धा पार्टनरला रोमांचित करणारी हवी.. त्यातही नावीन्य हवं.. अगदी कॉफी डेटला सुध्दा नावीन्य हवं .. ही लिस्ट खूपच मोठी झाली का कदाचित या माझ्या भावना असतील ज्या इतरांच्या नसतीलही.. मी प्रत्येक गोष्टीत रसिकता पहाते म्हणुन या सगळ्याचा विचार करते पण आनंद बाहेर नसुन तो आपल्यातच आहे इतकच मी सांगेन.. त्या आनंदाला वैविध्यपूर्ण बाहेर आणा आणि सुखी रहा..
https://www.facebook.com/sonal.s.godbole
https://www.instagram.com/godbolesonal?igsh=Y3dvazd0Y3UzcW84
https://youtube.com/@sonalcreations2874?si=jP6Ft3TECNOcUi_n
#SonalSachinGodbole
#Reel_Master
#YouTuber
#Publishersonalcreations
#कुंपणावरचासरडाकादंबरी, #कामिनीकादंबरी, #सहजसोप्पं, #संस्कारवेल, #मुलीची आई, #नैराश्यातुनसकारात्मकता, #आईमुलगानातंसंस्कार , #सखी,
#अध्यात्मआणिगैरसमज, #एक सुंदर सत्य
#AnimalCommunicator
#SonalCreations – my YouTube channel
#SexEducation as a counselor
#ProudToBeATranswoman – book
#Beyondsex – novel
#Fantasies_And_Beauties_In_Sex – novel
#Anira – novel
#Indradhanu – book
#13000km – my life journey book
#Sexsercise
#Love
#Romantic
#स्पर्श
#extra_marital_affairs
#MarathiActress
#socialworker
#premavarbolukahi – चारोळ्यासंग्रह
#Abhisarika – काव्यसंग्रह
#Counselor
#Nutritionist
About the Author
