समाजसेवेचे वृत्त अंगी बाळगून दलित महासंघ, जोशीबा आणि सामाजिक चळवळीच्या माध्यमातून अत्यंत निष्ठापूर्वक काम करणारे एक समाजहितेशी म्हणून लालबाजी घाटे यांनी आपल्या स्वकर्तृत्वातून महाराष्ट्रभर वेगळी ओळख निर्माण केली आहे. मुखेड तालुक्यातील पिंपळकुटा या ग्रामीण भागात जन्मलेले लालबाजी घाटे यांनी खडतर परिश्रमाच्या बळावर आजपर्यंतचा प्रवास अत्यंत लीलया पार केला आहे. प्राथमिक शिक्षण आपले आजोळ अंबुलगा येथे पूर्ण करून माध्यमिक शिक्षण शाहीर अण्णा भाऊ साठे विद्यालयात पूर्ण झाल्यानंतर पॉलिटेक्निक ही पदवी संपादित करून लालबाजी घाटे यांनी आपल्या प्रज्ञा आणि प्रतिभेची चुणूक समाज म्हणाला दाखवून दिली आहे.
माजी समाज कल्याण मंत्री स्वर्गीय मधुकररावजी घाटे साहेबांची प्रेरणा अंगी बाळगून त्यांनी २००९ साली अनाथ आश्रम या शासकीय योजनेच्या माध्यमातून आमदार स्वर्गीय रावसाहेब अंतापुरकर यांच्या सहयोगातून शिक्षण क्षेत्रात त्यांनी भरीव काम केले आहे.
आपल्या अनाथ आश्रमातील प्रत्येक विद्यार्थ्याला आपल्या घरी सोयी सुविधा जशा उपलब्ध होतात तशाच सोयी सुविधा उपलब्ध करून देण्यात आणि अनाथ आश्रमामध्ये विविध उपक्रम राबवून त्यांना योग्य मार्गावर लावण्याचे कामही लालबाजी घाटे यांनी केले आहे.
लालबाजी घाटे यांनी अनेक सण आणि उत्सव आपल्या अनाथ आश्रमातील विद्यार्थ्यांसमोर आपल्या परिवारासोबत कायम साजरे करत असतात. त्यांनी आपल्या बहिणीचा आणि नात्यातल्याच एका मुलींचा विवाहही त्यांनी अनाथ आश्रमातील विद्यार्थ्यांसोबत साजरा केला होता. ही अत्यंत गौरवाची बाब म्हणावी लागेल. महाराष्ट्रातील अनेक सनदी अधिकाऱ्यांच्या मार्गदर्शनाखाली लालबाजी घाटे यांनी २००६ ते २०२२ पर्यंत जोशाबा या उद्योग समूहाच्या माध्यमातून त्यांनी केलेले काम महाराष्ट्रातील अनेक युवकांसाठी निश्चितच प्रेरणादायी ठरले आहे.
मुक्ताई नर्सिंग विद्यालयाच्या माध्यमातून ए.एन.एम., जी.एन.एम.,डी.एम.एल.टी माध्यमातून लालबाजी घाटे यांनी हजारो विद्यार्थ्यांना रोजगार उपलब्ध करून देण्यात लालबाजी घाटे यशस्वी ठरले आहेत.
समाजसेवेची प्रचंड ओढ आणि जाणीव असणारे ते एक समाजनिष्ठ कार्यकर्ते म्हणूनही त्यांनी आपली वेगळी ओळख निर्माण केली आहे. बहुजन समाजातील लेकरांना चांगले शिक्षण मिळावे आणि त्यांची प्रगती व्हावी हे स्वप्न उराशी बाळगून सतत रात्रंदिवस काळजी वाहणारे शिक्षण आणि सामाजिक चळवळीतील धडपडे व्यक्तिमत्त्व म्हणूनही लालबाजी घाटे यांनी आपली वेगळी ओळख निर्माण केली आहे…
आज त्यांचा वाढदिवस.आपल्या वाढदिवसाच्या निमित्ताने अनाथ आश्रमातील विद्यार्थ्यांना शालेय साहित्याची मदत व्हावी म्हणून त्यांनी वाढदिवसाच्या निमित्ताने शालेय साहित्य आणि पूरग्रस्तांना मदत करण्याचे आवाहनही आपल्या वाढदिवसाच्या निमित्ताने लालबाजी घाटे यांनी केले आहे.
वाढदिवसाच्या निमित्ताने खूप खूप आभाळभर शुभेच्छाशिवा कांबळे
राष्ट्रपती पुरस्कारप्राप्त शिक्षक, नांदेड.
About the Author
