कंधार : प्रतिनिधी
मन्याड खोर्याचे भाग्यविधाते व महाराष्ट्रातील शिक्षण महर्षि,लोकसभेत उत्कृष्ट संसदपटू, ज्येष्ठ स्वातंत्र्य सेनानी, माजी खासदार व आमदार डाॅ.भाई केशवरावजी धोंडगे साहेब यांच्या नांदेड लोकसभेच्या खासदारकीच्या कार्यकाळात १०४ किमी.चा लोहमार्गाची मागणी गेल्या पाच दशकापासून प्रलंबीत होती.
याचा फाइनल लोकेशन सर्व्हे झाला असुन या महत्वकांक्षी रेल्वे प्रकल्पाचा प्रस्ताव प्रलंबीत आहे.यासाठी सुमारे ३०० कोटी रुपयाचा खर्च लागणार आहे.या प्रकल्पास केंद्र व राज्य शासनाने प्रत्येकी ५०% निधी अपेक्षित आहे.केंद्रीय रेल्वे मंत्र्यांनी स्पष्ट केले आहे की प्रकल्प खर्चातील ५०% हिस्सा देण्यास त्या आहे.मात्र राज्य शासनाकडून अपेक्षित सहभागा बाबत ठोस निर्णय नाही.राज्य शासनाच्या या असमर्थतेमुळे प्रकल्पाचे भवितव्य अनिश्चित बनले असून, हा रेल्वमार्ग रखडण्याची परिस्थिती निर्माण झाली आहे.
तत्कालीन खासदार केशवराव धोंडगे यांनी १९७७ साली या मार्गाची मागणी केली असून जवळपास ४७ वर्ष उलटूनही प्रस्ताव रेल्वे मंत्र्याकडे प्रस्ताव प्रलंबीत असून अंतिम मंजुरी मिळालेली नाही.लातूरचे खासदार डाॅ.शिवाजा काळगे व नांदेडचे खासदार रविंद्र चव्हाण हे देखील रेल्वे मार्गासाठी लोकसभेत आणि केंद्रांकडे पाठपुरावा करीत आहेत.
हा रेल्वमार्ग पूर्ण झाल्यास वाहतूक व्यवस्था नांदेड, लोहा,अहमदपूर आणि परिसरातील वाहतूक, व्यापार, उद्योगक्षेत्र,पर्यटन व्यवस्था अधिच सुलभ होईल.पर्यटन, वाहतूक व्यवस्थेला मोठी चालना मिळेल.तरी राज्यशासनाने महत्वपूर्ण विषयात तातडीने लक्ष घालून नांदेड, लोहा,अहमदपूर, लातूर मार्गासाठी आवश्यक असलेल्या ५०% निधी मंजुरी द्यावी.केंद्र सरकारशी समन्वय साधुन लवकरात लवकर सुरुवात करावी.प्रस्तूत रेल्वमार्ग नांदेड, सोनखेड लोहा, अहमदपूर मार्गे लातूररोड हा लोहमार्गाची संकल्पना साकार होतांना मन्याड खोर्यात आनंदाला उधाण आले.काल महाराष्ट्र विधानसभेत आमदार अमित देशमुख यांनी लोहमार्गा विषयी आपला प्रस्ताव मांडतांना अध्यक्ष महोदय लातूर-नांदेड या दोन जिल्ह्यांना जोडणाऱ्या लोहमार्गाची संकल्पना तत्कालीन नांदेड लोकसभेचे खासदार डाॅ.भाई केशवरावजी धोंडगे साहेब यांनी मांडलेला प्रस्ताव पूर्णत्वास येण्याच्या प्रक्रियेला सुरुवात झाली.
गोपाळसुत दत्तात्रय एमेकर गुरुजी,क्रांतिभुवन बहाद्दरपूरा,ता.कंधार
About the Author
