आज दिनांक ३१.५.२०२१ रोजी खरीप हंगाम आढावा बैठक कंधार व लोहा तालुक्याचे आमदार माननीय श्यामसुंदर मशिंदे यांच्या अध्यक्षतेखाली तहसील कार्यालय लोहा येथे आयोजित करण्यात आली होती सदरील आढावा बैठकीस तालुकास्तरीय सर्व विभागाचे अधिकारी उपस्थित होते. यावेळी उपविभागीय अधिकारी पांडुरंग बोरगांवकर , तहसीलदार लोहा विठ्ठल परळीकर, तहसीलदार कंधार व्यंकटेश मुंढे,नायब तहसीलदार विजय चव्हाण दोन्ही तालुक्याचे तालुका प्रमुख उपस्थित होते.
महाडीबीटीमहाआयटीवर ऑनलाइन अर्ज केलेल्या लाभार्थ्यांची ऑनलाइन सोडत काढण्यात आली सोडतीत निवड करण्यात आलेल्या शेतकऱ्यांना परमीटद्वारे बियाणे वितरण करण्यात येणार आहे. अशा निवड झालेल्या शेतकऱ्यांना माननीय आमदार श्यामसुंदर शिंदे यांच्या शुभहस्ते परमिट वितरण करून बियाणे वाटपाचा शुभारंभ करण्यात आला.
तालुक्यात या योजनेअंतर्गत एकूण ४०७० शेतकऱ्याने ऑनलाइन अर्ज केले होते लॉटरी पद्धतीने यापैकी ३८० शेतकऱ्याची निवड झाली राष्ट्रीय अन्न सुरक्षा अभियान कडधान्य अंतर्गत एकूण २१६ लाभार्थ्यांची तर राष्ट्रीय गळितधान्य अभियानांतर्गत १६४ लाभार्थ्याची निवड झाली याअंतर्गत कडधान्य बियाणे १०.४४ क्विंटल बियाणे अनुदानावर तर गळीतधान्य अंतर्गत १४४.४० क्विंटल बियाणे वितरण करण्यात येणार आहे.
